佳佳甜品 (已搬遷) 新店位置

今日下午茶齐齐同几个朋友仔去佳佳甜品饮糖水，佳佳甜品从细细个就开始食，味道甘多年都无变过，不过最近入选左米芝莲街头小食，比以前更多人喇。一入店就闻到比较香嘅姜味，姜汁类甜品算系呢店比较有特色，一上台就闻到好浓郁嘅姜味，但饮落又唔觉得好呛喉，觉得姜嘅浓度刚刚好，汤圆分量都算大，有好多粒，系黑芝麻汤圆，糯米汤圆香糯，芝麻味双好香浓，饮完觉得成个人都好暖，冬天饮就觉得更适合喇。补脑核桃露好浓核桃味，食落好滑，应该系用核桃生磨，所以核桃味好重，好重料，又唔系好甜，食完一碗都唔觉得滞，朋友话其他地方好难食到。如果想一次试两种甜品嘅可以点混拼，可以试下黑芝麻糊同核桃拼，虽然两种混一齐唔系几好睇，但两种 一齐食，又有唔同嘅口感同味道，呢间店嘅糖水出品都比较好，所以可以放心搭配点嚟食。