影片
更多
2020-07-14
1335 浏览
我系一个钟意食中菜多过西餐既人 不过市面以中菜为主的BUFFET 真系唔多 难得Club ONE 有呢个idea , 而且价钱又抵食，即管去试试位于Ｍega Box 的Club ONE, 对我黎讲好方便, 人流又唔算多，当然系我首选之地呢间Club ONE 占左成层，有2边宴会厅，地方极之广阔入门口前，当然要做番D防疫措施。员工都戴哂口罩 好认真地探大家量体温同消毒，绝对唔马虎场内可见每张枱与枱之间都相隔甚远，每枱食客都保持一定距离呢间Mega Box 分店的楼底非常高，空间感非常好 而且仲有一边落地玻璃窗，入席时六点几，还有夕阳陪伴进餐呢~今日呢个中式放题价钱好抵食，平日都HKD196，假期都系HKD 224 小朋友更系 HKD110 ，并送儿童拼盘 $196 有咩食？ 每位送逾$400既回本热门菜式 更有任食30款精选菜式 真系食5款热门菜式都已经赚左啦~坐低无耐，5款菜式就自动波登场啦~第一款，每位都可以拣一个汤或翅浓汤竹笙大碗翅 翅都几足料架，真系见到一梳梳翅~ 仲有翅裙 个奶白色的汤底非常浓郁，令到入口的每一啖翅都味道丰富虫草花响螺炖老鸡虽然望落汤底好
不过市面以中菜为主的BUFFET 真系唔多
难得Club ONE 有呢个idea , 而且价钱又抵食，即管去试试
位于Ｍega Box 的Club ONE, 对我黎讲好方便, 人流又唔算多，当然系我首选之地
呢间Club ONE 占左成层，有2边宴会厅，地方极之广阔
入门口前，当然要做番D防疫措施。员工都戴哂口罩好认真地探大家量体温同消毒，绝对唔马虎
场内可见每张枱与枱之间都相隔甚远，每枱食客都保持一定距离呢间Mega Box 分店的楼底非常高，空间感非常好
而且仲有一边落地玻璃窗，入席时六点几，还有夕阳陪伴进餐呢~
今日呢个中式放题价钱好抵食，平日都HKD196，假期都系HKD 224 小朋友更系 HKD110 ，并送儿童拼盘
$196 有咩食？每位送逾$400既回本热门菜式
更有任食30款精选菜式
真系食5款热门菜式都已经赚左啦~
坐低无耐，5款菜式就自动波登场啦~
第一款，每位都可以拣一个汤或翅
浓汤竹笙大碗翅
翅都几足料架，真系见到一梳梳翅~ 仲有翅裙
个奶白色的汤底非常浓郁，令到入口的每一啖翅都味道丰富
虫草花响螺炖老鸡虽然望落汤底好清澈，但估唔到个汤比翅更浓味，好似将所有的精华都浓缩左系入面咁
虽然面有少少油，但成个汤保温得好劲，饮耐D都热辣辣，超级正。
金银蒜蒸波士顿龙虾 (每人半只) 龙虾系正常既size, 唔系 mini 版架 (出面食一只都要200蚊啦)
个蒜香整得几惹味，连唔食蒜既阿女都话好味
龙虾身的肉很嫩，刚蒸熟的状态，一d都唔老
不过我个人觉得有少少削，反而龙虾箝既肉仲实净~
原只蚝皇生扣鲍鱼 (每人一只)鲍鱼成只上，弹牙有质感, 个鲍鱼汁配个西兰花都好滋味，真系汁都捞埋
不过略嫌有D摆盘大而主角细既感觉
甚至个旧西兰花都大过佢，视觉上会令人有D失望~
盐香烧乳鸽 (每人半只) 乳鸽既卖相非常吸引，皮薄色水靓。令人食指大动
之前以为系脆皮野，不过原来唔系的
鸽身上左酱油，唔算好脆，不过调味不错，抢回不少分数
除左每人指定必食的菜式外，呢个放题仲有30多款小菜俾你任拣任点架~~小菜分有前菜，小菜同健康小菜3大类，有凉拌，烧味，到煲仔都有
传统菜式同新式菜都共冶一炉，绝对可以满足一家老嫩的要求
不过我发现原来无"粥粉面饭"提供的，对于要有饭落肚既人黎讲好似未够完整啦~
前菜呢，我点左3款 ，2个凉菜加一个烧味青瓜海蜇，调味有很香的麻油味。青瓜唔够酸，整体不过不失
陈醋云耳成盘云耳都偏干，陈醋可能被吸哂，没有多余的汁
而且成碟云耳仲暖暖地，和我想像的冷盘有少许出入
丹麦叉烧呢个叉烧瘦得黎又唔会好嚡，少少肥肉但又唔觉肥腻
个蜜汁呢，几个人口味，钟意甜既会好钟意
而我同阿女都几钟意呢种甜甜的感觉~XD
小菜方面就叫左3款草莓虾球
大大只的虾球，外皮炸得香脆，再配上士多啤梨酱汁
虾球超级大只呀，肉又实又弹牙，绝对系物超所值
而个外表炸粉都系簿薄的，只有脆口唔会粉厚，小朋友大朋友都大大爱呀~
梨山酱汁骨呢个骨以铁煲上，一直都热热的，非常有气氛
排骨先走油，再捞上梨山酱，虽然有D肥肉，但肉实好爽脆，唔会觉油腻
不过甜甜酸酸的感觉不太突出，反而咸味更浓~
XO酱炒蚌柳呢个菜可谓不惜工本
平时的小炒系菜垫底而肉铺面，但呢个小菜竟然系用蚌柳垫底
除了面上那几条蜜糖豆外，下面的，全都系蚌柳呀~~~
而且蚌柳也不是湿湿碎碎的，而是每件都系一整只，大大块的加上XO的微辣感，真系看著开心，食著爽心~
双葱美极件仔肉呢个菜送上来的以为送错了，因为找不到双葱呢
原来因为原料缺少了。所以变成了蜜糖豆炒牛仔肉，
牛肉很易咬，亦有小炒的镬气，不过味道有点儿过浓了~
可能之前的蚌柳太吸引，令呢个小菜变得有点儿平淡了
健康小菜呢栏，我妈妈拣左绿野禅蔬非常清新同出色的一道菜
所以菜都好新鲜，炒得又爽口，蔬菜的味道又鲜甜，仲可以中和小炒的浓味
因为咁，我妈叫左2碟，仲食哂~ XD
中式放题，每人都包括一个甜品有雪糕和布甸拣
瑞士Mövenpick 雪糕 ，有云呢拿同朱古力两款味
妈妈拣的芒果布甸，入面有整旧芒果粒的，卖相和味道也不错呀~
系呢D时间食中式放题安全好多，唔使个个出去攞野食嘛平时去酒店食buffet 见到成盘中式菜式，我真系无举筷既意欲
但呢个小炒放题，每个菜都好精致，好吸引
而且中式小炒老老嫩嫩都啱食，尤其屋企有老人家的，更加啱
家下出街食饭求求期期都要200蚊一位，家下以咁既价钱食到咁有质素既放题，我觉得真系物有所值。
张贴
