會所1號 港灣皇宴 (已結業)

平時食得日式同燒肉放題多，今次試吓食中式。平日每位$272，包括：每位一份：紅燒佛跳牆波士頓龍蝦爵士湯/碗仔翅紅燒乳鴿Movenpick 雪糕8款小食，18 款小菜，6款健康菜。飲料另收費，$30 任飲菓汁汽水。$40 任飲啤酒菓汁汽水。碗仔翅鹹咗少少，但味道唔差紅燒佛跳牆，份量唔少，有水準。紅燒乳鴿雖然細細隻，但炸得幾香脆波士頓龍蝦，雖然唔係好多肉，味道一般，但肉質唔錯，無其他小菜咁出色。總結：中式放題無日式放題咁多人，當晚六成座滿。待應姐姐雖然好忙，但唔會黑面，服侍周到，有求必應，有漏單情況，但好快就可補上，食到尾聲，有小菜無認領，待應姐姐問我哋要唔要。小菜夠穫氣，味道好，有水準。茶芥每位$14，加一只加在茶芥上。埋單每位$287.5，值得一試。

之前睇過 you tube 介紹，加上有優惠券，所以去試下九龍灣呢間服務唔錯，係最後埋單既時候比較慢，中間都有一兩次漏單，但因為係任點任食，所以再落單就可以現場所見大部份食客都係用 open rice 優惠券，都係6點入座，檯與檯之間都算寬落，但人多起試黎都幾嘈下大部份餸菜都有食過，唯獨係京蔥炒牛肉同大良污糟雞冇食晒，因為太咸，污糟雞直頭咸到苦士多啤梨蝦同蠔油冬菇都好食，蠔油冬菇應該係同佛跳牆果粒菇一樣，佛跳牆同碗仔翅都好食，個湯就麻麻喇第一轉黎既芝士條係凍既，所以拉唔到絲，第二同第三次既就微熱，可以玩到拉絲，但就有啲咸因為冇雪糕送，所以酒樓安排每人送多一罐汽水

中菜放題,都係245$/人。現$275全包—人，4人食計3人。出去外面食個普通意粉都百幾元。依度又海鮮又龍蝦, 佛跳牆都係200鬆d.真心覺得佢哋服務好!要去食下

同朋友一行三人慶祝生日揀左呢度食中式放題，整體來講只是一般般，顧客不多，部份小菜款式不多，諗住有龍蝦，乳鴿，同撈起食，但係不過真係一般貨式，試試無防，如果唔改變下就真係好難再幫襯。

食物素質唔好講、一分錢半分貨都算服務態度更可笑🤭員工在工作其間、互相爭吵，當睇戲最差係埋單條數亂、亂、亂，加一服務可以加完又嚟加過，相差百元多提提有心光顧的客人必定核查清楚才埋單

母親節將至, 媽咪總有多個理由唔煮飯, 今晚佢就提議一家人去食ClubONE嘅小菜放題, 話隔離屋乜太食過之後返黎大讚, 見佢咁有興致, 做女嘅實陪佢去食。我地去左ClubONE Megabox分店, ClubONE一向主打婚禮宴會, 場景絕對不輸蝕, 環境優雅又闊落。每位入座可享"特盛五盛", 對於平時主打開中式小菜, 當然會有一定嘅水準紅燒佛跳牆: 東菇厚得黎爽口彈牙, 食到鮑魚原汁原味, 節瓜林, 釀入了清甜瑤柱, 花膠雖為薄片, 但配上了滑滑嘅茨汁, perfect!金銀蒜龍蝦(半隻): 龍蝦面層佈左大量香蒜, 還好肉質頗彈, 細味都食到鮮甜脆皮BB鴿: 果真好細隻, 當過下口癮, 肉質唔會太乾竹笙碗仔翅: 超喜歡! 如果有得encore就正喇!! 湯底清甜, 有好幾梳小小嘅翅, 足料!小食、小菜就以click order紙落單, 全晚都黎得好快好足, 小炒仲炒得幾有穫氣,首先要推介其中四款個人認為最值得encore, XO醬炒蚌柳: 蚌細細隻, 爽口唔韌, 翠肉瓜同樣爽脆, XO醬炒後有穫氣得黎又惹味。菠蘿咕嚕肉: 冇骨咕嚕肉炸皮脆, 甜中帶微酸嘅汁平均包住每一件, 伴碟嘅菠

食物味道 衰過茶餐廳🤦🏻‍♀️需然係$228啫 平時有去開飲茶諗住試下呢個中式放題 點知中伏🤦🏻‍♀️啲龍蝦肉勁“梅” 冇帶手套拆肉一拆開摸上手巳經知道 唔需要放入口最好食嘅係咕嚕肉 5個人去食 每人食咗一碟我諗淨係飲茶可以 晚市食飯就🤦🏻‍♀️🤦🏻‍♀️🤦🏻‍♀️

🥢🍽All-you-can-eat平時放題/buffet食得多🥢🥡中式係第一次 仲有4個鐘時間1800-2200幫大家做左功課weekday $268 weekend $298一坐底已經有撈起 🧧🧧金沙波士頓龍蝦🦞 (半隻)呢個好正 好香每一啖都有咸蛋黃😋😋杞子花雕BB鴿 (半隻) 🥣蟲草花燉螺頭湯 / 竹笙濃湯碗仔翅 個湯夠曬熱辣辣🔥🔥仲要份量好足 每一啖都好足料 😋😋😋我特別推介✨🌟🌟🌟大家一定要試瑞士雞翼好濃好入味四川口水雞🐔好麻好香 蜜桃🍑咕嚕蝦🦐美極雙葱牛仔肉🐮XO醬炒蚌柳 🐚紅燒羅漢豆腐 每碟都好夠熱好夠鑊氣 🍜🍚佢唔會因為任食而hea份量味道擺碟都好有誠意 🪄真系試唔曬咁多款 呢到系我地食左又真系正嘅selection 食完仲有movenpick 雪糕🍦🆓茶芥🆓加一📣

今日和屋企人去了megabox飲茶， 疫情下不少酒樓已停業， 見港灣皇宴還是燈火通明， 下午茶點心仲有折添， 真是不二之選。環境寬敞而且樓底高光線充足坐得舒服。孖寶套餐 在點餐紙選擇兩款特定點心三十伩有找，星期六日公眾假期要每樣加三蚊，我叫了叉燒腸配牛肉球，腸粉皮都算滑，皮薄餡靚，上枱時還是暖暖的。 牛肉球也三粒大大粒， 有鮮腐竹托底， 正常好味。叫了其他但係點心粉棵皮薄餡靚，小点抵食。奶黃千層糕食落都算鬆化但嫌奶黃不是太夠味。叉燒、 雞米線各一特價20蚊大大碗，好飽肚，叉燒肥瘦適中還有少少燶邊都不錯， 雞也很滑。

Club One 做緊中式放題，幾吸引，有30款小菜仼點又未試過，今次就去mega box 一試。除了燉湯，鮑魚和movenpick 雪糕外，其他小菜都好麻麻，試一次就夠。蟲草花響螺燉老雞湯 每人一盅熱辣辣好暖胃，好足料，燉湯清甜，色澤清澈，有軟腍雞腳一隻，成餐飯最好味就係碗湯蠔皇生扣鮑魚味道不錯，鮑魚帶嚼勁，不過每人一隻。大閘蟹本身係每人半邊龍蝦，宜家係大閘蟹旺季，所以轉了每人一隻大閘蟹。都有期待㗎，細隻係預左，細細隻都可爆膏鮮甜好食，諗住唔會差得去邊，點知真係差。外表冇乜問題，係細左點。一開，啲膏係啡綠色的，並不是平時食的鮮橙色😵😵真的失望，食落帶苦，好難食，一點甘香都冇。。其他蟹爪和肉都結實嘅，蘸蟹醋都不錯，但大閘蟹重點不是膏嘛？乳鴿 每人半隻端上時係暖的，味道還好小菜好普通，冇乜特別，唔覺得係即叫即整，有點失望青瓜海蜇陳醋雲耳豬紅豬紅入味，爽口蔗蝦麻辣豬腸柚子雞翼沙薑豬手丹麥叉燒草莓蝦球雞絲粉皮拉絲水牛芝士條

秋風起，三蛇肥😋想孝敬一下父母親，所以晚上點了一個有六款菜式的蛇宴套餐。本身是CLUB ONE 會員，套餐有折扣。。Megabox的港灣皇宴座位舒適，而且感覺頗為闊落，樓底又高。太史五蛇羹五蛇羹份量充足，每人大約有兩碗，大大窩，感覺暖胃，配料豐富。薄脆和蛇羹是分開上，可以按需要加一加。父親則覺得果皮的味道夠濃厚，不錯不錯。陳皮脆炸蛇丸蛇丸夠熱辣辣，脆卜卜的杏仁片配上彈牙的蛇丸，一下子便掃光了。美極煎大虎蝦這道菜式是八人蛇宴套餐的其中一味，父親特別單點了。整體感覺鹹鹹香香，虎蝦質感夠爽口。古法蛇絲蒸沙巴𧄌筆者不算太喜愛吃魚，但父親則覺得這條魚十分嫩口。可見用料頗新鮮，而且用古法蒸魚，突顯了魚肉的鮮甜。枝竹羊腩煲羊腩煲大大煲，約有十多件煮得入味的羊腩，羊肉一點也不韌。蛇湯浸田園青蔬吃了幾道較為重量級的菜，這道青蔬就好像一鼓清泉，沖走了油膩感。清新的時蔬和之後來到的糯米飯也相當搭配。頭抽臘味糯米飯糯米飯鑊氣十足，有著濃濃的頭抽香，而且很有咬口。

「秋風起,三蛇肥」,又到食蛇的時候,所以朋友相約我來到會所1號club one 港灣皇宴食蛇宴,但要早一天預訂呢!會所1號club one 港灣皇宴裝潢以白色為主,好有酒店般,好grand的感覺。**我們六人,就點了六位餐滋補蛇宴餐。**先來【太史五蛇羮】每秋冬時節必食蛇羮,可保寒暖及補身的美食之一。這太史五蛇羮有五款蛇來煮,仲有雞肉絲、木耳、香菇等煮成湯羹,味道濃郁鮮味芳香,口感更細膩可口, 濃稠度剛剛好,加上薄脆、菊花瓣及檸檬葉,更添口感及味道。**【陳皮脆炸蛇丸】這蛇丸呈現金黃圓碌碌,好特別外皮以杏仁片包住蛇丸,口感一流,外脆內咬落彈牙,蛇肉味香濃,還有淡淡陳皮芳香,並保留鮮味。**【瑤柱花膠扒瓜脯】厚身節瓜厚身腍身入味,因釀入花膠及瑤柱之海味有滲入瓜節肉中,加上有花膠有爽口感,口感一流,令人回味無窮。**【古法蛇絲蒸沙巴躉】這沙巴躉底放左荷葉來一齊蒸,魚蒸得剛剛好,入口嫩滑非常,魚味濃郁,有淡淡荷葉味,與蛇絲同食,鮮味十足！**【脆皮吊燒雞】脆皮燒雞表皮呈現色澤金红誘人,皮脆雞肉鲜嫩,肉柔軟嫩滑多汁,口味濃郁,美味可口。**【枝竹羊腩煲】羊腩煲以羊腩入饌, 啖啖肉的羊腩沒有羊膻

Club One 是有名的中菜館，近日秋風起，餐廳推出滋補蛇宴，於是和幾位朋友一試... 這個六人套餐非常豐富，共有九個菜式，打頭陣就是蛇宴主角太史五蛇羮和陳皮脆炸蛇丸...蛇肉滿滿，非常足料，加上木耳絲，口感十足，配上食蛇羹必備的薄脆和檸檬葉，非常惹味，每一口都是鮮甜...經過油炸後外脆內彈牙，入口卜卜脆，口感豐富...再來就是瑤柱花膠扒瓜脯 鮮甜味滲入瓜肉中，令人回味無窮...沙巴躉大大條很肥美，肉質嫩滑...雞皮燒得很脆，雞肉嫩滑...大蝦煎得十分香脆，由蝦頭到蝦尾也很美味香口...大大煲的羊腩煲份量十足，配料有冬菇、枝竹、冬筍等，羊腩吃起來很腍，不會太騷...剛好中和剛剛大啖肉的飽滯感，紫薯、木耳和菠菜苗很夾...最後來一個頭抽臘味糯米飯，糯米飯熱辣辣香噴噴， 質感黏身煙韌，不會過鹹，拌勻臘肉和臘腸，令口感及味道也錦上添花！非常飽滿的一餐晚飯，這種天氣吃完蛇宴實在令人感覺很滋補養生，絕對值得一試~~.❤️💛🧡

天氣已踏入立冬，為左可提高免疫力繼續跟病毒對抗好友相約去食蛇宴。 趁限聚令還可以六人一枱，我們一行六人選了clubone的滋補蛇宴套餐餐廳防疫意識很強，消毒雙手，量體温都已是指定動人，而每張枱也相隔比較遠，令其他食客沒有那麼接近，這樣安排也令客人食得放心齊人就準備上菜太史五蛇羮滿滿蛇肉，羹沒有很濃稠，反而用料十分多，肉質軟的，湯很清甜，配上簿脆跟檸檬草，味道更有層次。陳皮脆炸蛇丸這道菜是個人取喜愛，外層鋪了杏仁片，內裡是蛇肉球，外脆內軟，有千島醬可點來食瑤柱花膠扒瓜脯瑤柱十分多，入口因有花膠伴著，十分彈牙，跟清淡的瓜脯十分配搭古法蛇絲蒸沙巴躉蒸沙巴躉，份量也不少，肉質嫩滑，朋友也很快把它沽清脆皮吊燒雞外皮炸至脆脆，肉質嫩嫩頭抽臘味糯米飯食到糯米飯，肚皮有點撐不住，只淺嚐2口，臘腸臘肉香濃，不錯美極煎大虎蝦大大隻虎蝦，煎至剛好，美極的味道極好食枝竹羊腩煲暖暖的羊腩煲，肉質入口淋晒紫薯濃湯泡菜苗清清的菠菜苗配紫薯還是第一次，紫薯帶著清甜，十分滿意各人也十分滿意這蛇宴，餸菜款項多，味道不錯，寄望日後疫情轉好時再可以相聚一下

之前在九龍灣Megabox 13樓2至3號舖的會所一號 港灣皇宴 (ClubONE The Bay) 吃過晚市放題，前幾天和家人再來吃晚飯。。和家人一行四人點了滋補蛇宴套餐，會員折扣後約八百多元，除開每人約二百元。四人蛇宴套餐有六道菜式，四至五人享用也足夠。太史五蛇羹蛇羹能嚐到相當重的果皮味，果皮切成細絲。朋友則覺得蛇羹的薑味頗濃，吃完後肚子暖暖的，相當驅寒。其他配料還包括有豬肉絲、海蜇絲等。吃蛇羹當然要加脆卜卜的薄脆了，還可以按喜好，加少許香蔥，令整體香氣更豐富。陳皮脆炸蛇丸脆炸蛇丸熱騰騰地上桌，表面鋪滿了杏仁片，外皮口感脆脆的，裡面則彈牙有咬口。古法蛇絲蒸沙巴躉沙巴躉熟度剛剛好，魚肉不會蒸得過老 或未熟，口感滑嫩。沙巴躉魚骨頗大條，挑魚骨時不會太過花精神。沙巴躉面頭除了有蛇肉絲，還會有冬菇絲，下面用荷葉墊底，味道豐富而鮮香。。枝竹羊腩煲家人很喜歡吃有柱侯醬的菜式，醬汁鹹鹹香香，伴飯一流。羊腩炆得相當入味，相當軟，不會韌到咬不開。還有其他配料如枝竹、冬菇片等，枝竹用料新鮮，不會有「油益」味。。蛇湯浸田園青蔬母親頗喜愛這道清新的菜式，能夠平衡一下油膩感。美極煎大虎蝦父親額外單點了這道小