影片
更多
2022-04-06
137 浏览
好耐无去过旅行喇！之前喺社交平台见啲朋友去锦田当去咗旅行，我呢个元朗人住咁近反而无去过锦田玩。今日终于有机会去伪旅行，拣咗间装修非常有特色嘅日式Cafe！我同朋友好彩都算早到，有得坐榻榻米特式位😁 系门面系见唔到架！就咁睇menu，食物以轻食、吐司为主。我地叫左Open Toast 和牛吐司（$124）、黑松露蟹肉沾酱配吐司（$108）、Dutch Baby Pancake - 柠檬蛋黄酱（$78）饮品就叫咗一杯Dirty（$48）同热既马嬲揻铁观音（$68）餐厅职员仲好贴心咁帮我哋将甜品pancake后上😉🦀黑松露蟹肉沾酱配吐司（$108）首先上菜系冻食既沾酱吐司本身就咁睇样，差啲唔知系自己点既，仲傻傻地以为有餐包😂吐司系一口bite size，属于硬身偏饼干口感既面包，反而系个Dip一食落口就知系黑松露蟹肉！沾酱有好香嘅黑松露味，仲有满满嘅蟹肉，食落口啖啖肉，食晒所有吐司后仲有酱净，我地都用匙羹笔埋啲酱黎食，个酱比佢100分🐮Open Toast 和牛吐司（$124）吐司份量正常，个洋葱汁配火箭菜好夹，亦衬到个和牛。和牛煮得相当好，中间既肉仲系粉红色，重牛味。成个吐司好出色，都知自
好耐无去过旅行喇！之前喺社交平台见啲朋友去锦田当去咗旅行，我呢个元朗人住咁近反而无去过锦田玩。今日终于有机会去伪旅行，拣咗间装修非常有特色嘅日式Cafe！
我同朋友好彩都算早到，有得坐榻榻米特式位😁 系门面系见唔到架！
就咁睇menu，食物以轻食、吐司为主。
我地叫左Open Toast 和牛吐司（$124）、黑松露蟹肉沾酱配吐司（$108）、Dutch Baby Pancake - 柠檬蛋黄酱（$78）
饮品就叫咗一杯Dirty（$48）同热既马嬲揻铁观音（$68）
餐厅职员仲好贴心咁帮我哋将甜品pancake后上😉
🦀黑松露蟹肉沾酱配吐司（$108）
首先上菜系冻食既沾酱吐司
本身就咁睇样，差啲唔知系自己点既，仲傻傻地以为有餐包😂
吐司系一口bite size，属于硬身偏饼干口感既面包，反而系个Dip一食落口就知系黑松露蟹肉！
沾酱有好香嘅黑松露味，仲有满满嘅蟹肉，食落口啖啖肉，食晒所有吐司后仲有酱净，我地都用匙羹笔埋啲酱黎食，个酱比佢100分
🐮Open Toast 和牛吐司（$124）
吐司份量正常，个洋葱汁配火箭菜好夹，亦衬到个和牛。
和牛煮得相当好，中间既肉仲系粉红色，重牛味。成个吐司好出色，都知自己只系俾得百几蚊，但如果有多几块牛就好喇🤪
和牛吐司
23 浏览
0 赞好
0 留言
🍋 Dutch Baby Pancake - 柠檬蛋黄酱（$78）
咁多款pancake，我哋觉得柠檬蛋黄酱系出边比较难见，所以拣嚟一试。
职员帮我哋后上，系因为pancake系热嘅，配上雪糕，如果一早上咗菜雪糕就会溶晒。
个甜品甜得来有少少酸味，好开胃。两个女仔食左上面既吐司其实已有啲饱肚，如果甜品仲要系又甜又面粉就有机会会食济，反而佢酸酸甜甜咁样，成为今餐一个好好既Ending👍🏻
柠檬蛋黄酱Baby pancake
42 浏览
0 赞好
0 留言
☕️Dirty（$48）
我朋友叫咗杯Dirty，佢系咖啡控，就略嫌奶多咗啲，唔够佢提神。但我唔好咖啡，是饮咗一啖，反而钟意佢奶味重。
🐒马嬲揻铁观音（$68）
呢套茶具好有诚意。佢安排咗一壶热水、一个装有茶叶嘅茶壶、一杯用嚟装茶嘅量杯同一个茶杯。
第一眼望落去，心谂使唔使咁多杯咁有仪式感呀？
饮落先明白个用心。
首先装热水个胡系比较保温嘅，咁啲热水先keep到系热嘅。
而如果只有一个茶壶，啲茶就有机会浸泡太耐，变得太浓。而家多咗量杯，就可以将泡好嘅茶先倒落量杯，要饮就再倒落杯仔。
而如果用一个大啲嘅茶壶，一次过泡太多茶，啲水又会好快冻咗。
所以咁样一套四件茶具配置系啱啱好。
而杯茶好清香，反覆冲泡几次后都仲有味。绝对值返个价钱。
而餐厅有一个和式后院俾大家打卡用。我哋好彩早到先可以坐喺望到后院嘅榻榻米位置，坐喺𠮶度食饭真系好似去咗外国旅行咁。
到我哋食完出去，已经见到餐厅full晒。如果又想打到卡、又想食好西，真系要早啲到啊！
张贴
