One More Hotpot 來一鍋 (已結業)

之前已喺其他地方试过木桶火锅，今日庆祝生日，天气又突然转凉，拣食火锅啱哂。来一锅同大部分火锅店一样，提供一个套餐价任食，大致分两类锅，$388一位嘅系海鲜锅会包一份海鲜，另外一份手工饺及手工丸，一份羊或牛肉，其余配菜包括蔬菜，其他肉类同淀粉质类都系任点。$298一位嘅药膳锅就冇包海鲜，但其余都一样，而汤底就偏养生。饮品方面，汽水啤酒全部自取，最犀利系连法国红白酒都系免费任饮！任点嘅配料都有唔少选择。酱料唔洗自己出去攞，每枱都有一份。我地两人份量嘅海鲜，比我想像中大份，有龙虾，大虾，蚝，象拔蚌，蚬等等。最钟意佢个龙虾啖啖肉其他海鲜都唔错，除左蚬有少少沙似外，其余海鲜都算新鲜干净。我地拣左羊肉一份，好大份，每片厚薄适中，味唔算酥，几香羊味。套餐包嘅手工饺中西洋菜饺最好味，墨鱼胶酿油炸鬼就最特别。手工丸啲味道配搭几得意，例如有豚肉黑松露丸，最好味就系墨鱼丸，其他不过不失。木桶火锅要饮汤就一定喺个桶内面啲窿窿度放只匙羹装，会冇咁油。任添嘅配料我地点左以下咁多，食完啲海鲜同手工饺已经好饱，捧住个肚我地都冇位再点第二round。任饮嘅法国红白酒，味道唔错。可惜我唔饮得，如果唔系任点红酒真系好抵下。