凱施餅店 (已結業)

凯施通街都有, 而我每次都系返工前拿拿临求其执件蛋糕, 或者菠萝包之类, 但求稳阵包肚, 食落都无咩特别。求其食左两三年, 直到前两日母亲大人讲起, 原来佢只会食叉烧包或者吞拿鱼包, 因为两个字:「澎湃。」点样「澎湃」法? 今朝返工前终于放慢少少脚步, 去夹个叉烧包+吞拿鱼包, 夹落真系觉得重少少。结果咬一啖......哗! 真系多到泻! 味道同一般面包舖差不多, 无咩特别, 可能佢仲会甜多少少, 但个馅真系好饱满, 好劲! 如果撞o岩佢新鲜出炉, 更加系不得了。吞拿鱼包个馅一样强劲的饱满, 不过味道麻麻, 都系叉烧包最掂, 食一个已经饱左! 平时凯施个冻柜都有好多好靓o既cake, 卖相好吸引, 不过叉烧包真系可以话, 系「卧虎藏龙」。以依家连锁店式「包小馅更少」o既标准来讲, 凯施o系叉烧包方面, 都算有返少少人情味。不过唔知系咪间间凯施都系咁, 呢层要靠大家发掘了。