Chatterbox Café (AIRSIDE)

营业中

休息中

来到chatterbox cafe呢间来自星加坡的餐厅，你会有咩心水选择呢？我同大多数人一样都会拣海南鸡， 呢度就叫做“文华海南鸡饭”，由于系个set，因此仲有饮品。而我就试试热嘅“有机苹果茶”吧，见到加配食物好平，就要咗份“黑酱油炒萝卜糕”。鸡好滑，而且份量都算多，仲有正宗三个酱汁跟，黑豉油，蒜蓉及辣酱；苹果茶系茶包茶，但都真系饮到苹果味，几ok；萝卜糕切细件，配黑酱油来炒，又有蛋，好有东南亚风味。另一选择系新出的"芽笼黑酱油海鲜福建面"，海鲜有两大只虾，又有好多鱿鱼同埋加入咗啲猪油渣，非常之香口同埋好有特色，今日嘢饮就要个地道啲的“热锡兰奶茶”，当然唔会差，加配的甜品“双球椰子雪糕” 好正吖，好香浓椰子味，上面又洒咗d可可粉，非常之可口。