升哥點心 (已結業)

元朗一向好多食肆，今日就拣咗呢间位凤琴街嘅《升哥点心》试下。虫草花棉花鸡 ($28) - 鸡肉嫩滑有鸡味，鱼肚厚身软滑，索咗鸡肉嘅鲜味后更加好味。姜葱牛柏叶 ($24) - 份量都几足，而且牛柏叶煮得入味、爽口弹牙又唔会韧，相当不俗！升哥虾饺皇 ($30) - 虾饺包得胀卜卜，薄薄嘅饺皮呈半透明，口感烟韧中带点黏口。入面嘅馅料以大粒鲜虾肉为主，爽口弹牙，味道鲜美。原只鲜虾肠粉 ($28) - 肠粉软身滑溜，入面包住大大只爽口鲜甜嘅鲜虾，配上带鲜味嘅豉油，甚为滋味！笼仔凤爪排骨饭 ($39) - 大大笼足够3二、三人享用，半肥瘦排骨及厚肉凤爪都相当入味，饱肚又好味。家乡咸水角 ($19) - 热辣辣上枱，咸水角表面炸得香脆，咬落烟烟韧韧，外脆内软，相当滋味。原笼蔗糖马拉糕 ($24) - 香滑软熟，口感绵密，香甜得嚟有蛋香味。