升哥點心 (已結業)

之前影落既相，再介紹時原來已經結業了🥲 唯有用相片黎懷緬下個味道啦😋 其實食左咁多點心，小編都覺得好有特色，味道亦唔差❤️ 可惜疫情令小店太難堅持了🥲 希望將來有機會可以再食番！🍤 鮮蝦腐皮卷🍠 紫薯流心球🦐 原隻蝦燒賣🥟 XO醬菜苗餃🧈 椰香黃金糕🧊 黑糖蜂巢糕🍚 籠仔馬蹄章魚肉餅飯

平時都鍾意食點心，呢間啲點心唔止賣相唔錯，而且質素都好高，難怪會成日都好多人等位。.鬼馬蘿蔔糕 - 上面係蝦滑，蘿蔔糕好香，唔會太多粉，不過略嫌偏油。.斑斕馬拉糕 - 好香斑斕味，而且唔會太甜，糕都好鬆軟.招牌蝦多士 - 好厚好大件，但係反而覺得多士太厚，吸咗勁多油，食落好重油味。.腸粉 - 脆脆地又熱辣辣，非常香口，中間釀咗蝦滑，好有口感，唔錯好食！.其實介有另外傳統嘅點心好似燒賣牛肉咁，都一樣大大粒同味道唔錯，整體所有野都ok

☕️🫖而家要飲茶都唔洗特登走上茶樓，呢次食既呢間小店都好唔錯🍤🥟鮮蝦餃晶凝通透，而且好飽滿，食完想即刻叫多籠！黃金糕係我最愛既點心，口感軟糯，而且好香甜。金錢肚都整得好冧身，而且勁入味！🍚我地仲叫咗個土魷肉餅飯，入面仲有少少馬蹄，令肉餅多重口感。調味唔會太咸，可惜飯比較生。🍰而斑斕馬拉糕，可能係個竹籠啲倒汗水，令到糕底太濕，口感差咗啲，斑斕味都算明顯，可以一試！仲有我地叫左個叉燒腸粉，皮薄餡多！🥰🥰差啲忍唔住要叫多啲呢！呢間小店下次一定會再去食！😊😊

禮拜六原本諗住同男友去老馮食懷舊古法千層糕，但去到等位嗰陣望張menu見唔到有，就問一問店員，原來臨近新年佢地忙住整糕所以無時間整呢樣野😫然後諗住轉場去升哥食籠仔黑糖馬拉糕，點知又冇左。。。可能因為轉咗班蘭馬拉糕，我真係黑仔到一個點😑😑不過茶位都開咗而且有啲趕時間，就冇去再搵其他餐廳😪😪老馮排隊排到嘔，但係升哥得一台客，已經覺得有啲唔對路🙈 因為以前升哥都好多人幫襯的。。。我哋叫咗四樣嘢，排名按照上菜次序：⭐蜜汁叉燒腸粉 💰2️⃣6️⃣腸粉口感算滑但係皮太厚，所以有太黏口既感覺叉燒正常，芫茜唔夠香⭐招牌流沙包 💰2️⃣4️⃣說什麼招牌流沙包。。。我地趁熱辣辣搣開但一啲都唔流🙄😑其實個餡都香蛋黃味，但係唔流嘅流沙包真係令人好失望。。。😪😪⭐鮮蝦腐皮卷 💰3️⃣0️⃣啱啱炸起腐皮好香脆，唔算油膩，但係蝦肉唔夠爽口，裏面口感太粉，有少少似落左好多粉嘅蘿蔔糕，一般般⭐和風千島醬薄餅 💰3️⃣7️⃣其實我好中意食酒樓既“薄撐”，但係呢度無，最接近應該係呢樣邊位尚算脆口，水準可以，都可算係呢度之中最好架啦對我黎講。。。🙈唔知係咪轉咗點心師傅所以差曬。。。。元朗咁多點心選擇，我諗都唔會再嚟㗎喇😞🤦

元朗站📍升哥點心（元朗）-第一篇食評由最近食嘅點心講起。天氣凍有時都想夜晚飲啖茶食個包，今次去左升哥點心。金玉滿堂蘿蔔糕（$29）呢碟蘿蔔糕真係好邪惡，外層脆卜卜，入面熱到爆，上面再再千島醬同木魚😋成個感覺好juicy又heavy，不過我中意！蘿蔔糕入面如果有粒粒蘿蔔感覺更正。奇趣蝦多士（$38）蝦多士外面脆卜卜，入面就普普通通，唔算多粒粒蝦，以$38黎講得4嚿都唔算太抵🤪招牌流心包（$24）流心包最令我失望！雖然外表好cute但流心情況完全不似預期！入面嘅奶黃醬亦唔算好濃郁😞斑蘭馬拉糕（$28）呢個馬拉糕斑蘭味唔算好出，重點係個底好濕，個種口感好一般😟不會再叫了。鐵板生煎包（$27）呢個生煎包入面完全唔juicy，似係菜包肉餡但生煎左。除左鐵板上有d gimmick之外，野食質素not ok😞籠仔鳳瓜排骨飯（$42）呢個飯原本期待有淡淡荷葉味但略為失望，個飯同普通茶樓嘅鳳爪排骨飯冇乜分別，雖然大籠左，但係都算貴🥸三條友黎食，茶錢$5一位。地方唔算大，坐得迫少少。除左蘿蔔糕係推薦之外，其他食物都一般般。

想食點心 搵咗幾間 發現有啲個樣同個名都好似🤨 咁就隨緣揀咗呢間 沙嗲金錢肚正正常常中規中矩 但係金錢肚唔係話10分肥美🤭鮮蝦腐皮卷呢個幾好食 入面有啲菜粒加埋就冇咁油膩 再配埋個沙律醬就very good! 一個人食兩件就啱啱好 食得多就……😅蝦餃正常 鬼馬蘿蔔糕其實係想點有醬嗰個金玉滿堂 但係tick錯咗叫完呢個先發覺張枱有好多炸嘢😅😅一早就食咁多油膩野真係要飲番幾杯茶中和一下 舖頭入面位置唔算太多嘅 但都坐得闊落唔算太迫

今日假期做乖乖女，陪媽咪喺元朗行街，佢話想食點心，咁啱經過呢間點心舖，喺OpenRice 見都有幾多😋，所以就入去試吓～兩個人叫咗五款點心，”籠仔鳳爪排骨飯”、”原隻蝦燒賣”、”小鮮肉小籠包”、“XO醬菜苗餃”同”班蘭馬拉糕”籠仔鳳爪排骨飯 ♨️排骨飯即叫即蒸，落單時仲可以要求飯嘅軟硬度，媽咪對‘街外飯’好有要求，結果蒸出嚟冇令佢失望，除咗有荷葉香，D餸嘅鹹味亦適中，排骨滑得嚟唔覺肥，鳳爪都好入味～原隻蝦燒賣 🦐🐷每粒燒賣面都有原隻蝦喺上面，蝦爽口，豬肉彈牙，仲有好香嘅冬菇味🍄小鮮肉小籠包 🐷🥟 我係小籠包嘅擁躉，覺得小籠包要皮薄、多湯，肉鮮味之餘份量要剛好，升哥嘅小籠包攞到7.5分！(算唔錯㗎喇～）呢度嘅小籠包頂仲要加咗D蟹籽，食落去多咗幾分口感XO醬菜苗餃 🥬🥟 媽咪一咬隻餃，就話好鍾意佢個皮，薄得黎又煙韌，XO醬味濃郁，餡料除咗菜苗之外，仲有蝦肉。包到好似一粒元寶仔咁，賣相唔錯，睇得又食得！班蘭馬拉糕 💚🥧第一次見班蘭馬拉糕，所以叫嚟試吓，呢個馬拉糕質地做到好軟綿綿，有色水之餘都真係有班蘭味嘅，不過我都係比較鍾意傳統馬拉糕嘅味多啲～呢間點心舖食嘅係味道，不能對佢嘅環境有太高要求，雖

元朗嘅店心餐廳都幾多，有啲做到開埋分店（同區）添。今日食嘅係一間開左三週年嘅小店，點心種類唔多，但都質素唔錯，經過嘅話可以一試。🔹黑糖蜂巢糕：搵點心小店食嘅好處就係，可以有好多心機點心，呢款中式蜂巢糕有住蜂巢般嘅結構，所以一口咬落去唔會好死實實，而係有層次口感。加上黑糖嘅配合得宜，既有黑糖香甜味，亦食到糕點嘅香棉味👍🏾🔹XO醬菜苗餃：好多點心小店都會有呢款點心，岩哂重口味人士，因為呢籠點心嘅XO醬味比較重，而且蝦肉粒都唔少，夠哂鮮味，菜苗亦夠幼嫩夠新鮮。可惜嘅係，餃皮比較林，唔夠爽身彈牙，可能蒸得耐左啲。🔹籠仔咸魚肉餅飯：要飽肚嘅話，都係要食飯先滿足！即叫即蒸，所以都等左半個鐘。食啖白飯先，食得到荷葉香味，令人懷念以前細個酒樓食嘅荷葉飯，而且好清新嘅感覺！可惜個飯比較濕身同林左啲。肉餅方面就大滿足之選，大大件又夠厚身，用上新鮮豬肉剁成，豉油加薑絲，絕配！㊙️黑糖蜂巢糕夠哂特別又有口感，煙煙韌韌！

咁耐以來第一次幫襯，啱啱先發現三周年優惠，平日星期一至五堂食外賣都有八折，不過去到10月尾就完，如果可以延長少少或者淨係外賣都有就好啦！😛今次星期日冇呢個優惠，整體食物質素都滿意，牛肉腸同蝦餃都幾好食，燒賣正常，蟹鉗我覺得好食，但老公話覺得啲肉有少少梅，最好食係個蒸飯（好足料，推介），蝦多士都好食嘅，不過如果人少（例如兩個人）就太大份，如果可以半份就完美啦！如果唔係下次未必會食，因為兩個人食好膩，灌湯餃冇乜為意原來係好似蒸咁嘅，入邊湯汁唔夠我哋唔係太鍾意，有湯浸住嗰好食啲。整體係滿意嘅，會再幫襯，但係食物質素同附近嗰間有少少貴嘅X名園差唔多，嗰間價錢大約貴三份一至四分一左右，但一定好坐啲同埋食物質素好少少，如果價錢爭唔遠，嗰邊唔使等位都會去嗰邊食多。😅

我食過升哥幾次 係因為點心先幫襯 唔係服務 今朝十點幾到 同樣多人但唔駛等位 明白佢間舖窄 已經被安排坐門口走廊位 唔緊要 但佢地不斷地從你身後轉 你要不斷地讓位 避免撞到 真係食得好辛苦 完全enjoy 唔到點心 同埋之後的人走 好多吉位都唔會主動幫你換位 之後有人幫襯 果位客人個袋幾乎掃到我地既點心 我先生喝住佢都無反應 我唔知呢個咁既經歷到底店家有無責任？ 仲有茶底完全同之前差好遠 淡味好多 我寧願搵間坐得舒服既 有服務既點心店 好過食得咁唔舒服 無下次

今日黎到呢區搵野食 有間專食點心既小店睇落選擇多又唔貴,可以一試!鮮蝦餃 牛柏葉 叉燒包 籠仔排骨飯 油菜 燉湯 鮮蝦腸粉鮮蝦餃外皮煙韌Q勁有彈性 蝦肉甜爽大隻飽滿 味道鮮味牛柏葉又脆又爽 加薑絲蔥蒸已經好好食 叉燒包夠大隻 一客3件 蠔油叉燒汁餡夠多又甜籠仔飯係配排骨同鳳爪 份量超大盤 飯身唔會太濕淋 鳳爪惹味香辣 排骨肉嫩多肉燉湯鮮甜無油 仲要係非常足料飲到花膠雞肉粉腸皮夠滑身蝦肉大隻爽甜平均消費$200評分8/10元朗鳳琴街19號鴻運中心地下52-59號舖

好想食點心但唔想去酒樓 就open rice search下 第一次食 有驚喜金玉滿堂蘿蔔糕 首先個蘿蔔糕唔會太咸 炸到脆卜卜又熱辣辣 加埋個醬汁好夾 下次會試下鬼緊蘿蔔糕 同蒸蘿蔔糕 因為真係好鍾意食蘿蔔糕之後叫左蒜香炸蝦餃 好多蝦肉 大大粒 加上沙律汁 好特別好夾Xo醬豆苗餃都好好味 皮好滑 蝦肉好爽 同豆苗好夾小籠包都可以 但每次夾都漏湯出黎 唔可以食到完整反而紅油抄手就無特別 辣汁分開上 店主有解釋因為怕客人接受唔到辣所以分開上 我覺得抄手似用滾水煮過既豬肉餃 本身無乜味 點辣汁食 自己都整到 可以下次唔試整體黎講 點心都算新鮮 又唔會等太耐 可以下次再試下其他點心

🍽 小編第一個POST☝🏻想推介貼地餐廳比大家，作為一個大西北居民，緊係要係假日去嘆下茶，食下點心，去緩和平時急促的生活節奏，今次就推介元朗的「升哥點心」。小編今次就點左☝🏻▪️黑糖蜂巢糕 $18/籠▪️沙嗲金錢肚 $26/碟▪️泰式蟹鉗 $19/隻 (最少要點2隻)▪️金玉滿堂蘿蔔糕 $29/碟▪️紫薯流心球 $29/碟茶位 $10/位兩個人埋單$150🤔小編第一次食黑糖蜂巢糕，口感煙煙韌韌，少少甜，剛剛好，沙爹金錢肚就中規中矩泰式蟹鉗就非常值得食☝🏻口感豐富，非常彈牙，而金玉滿堂蘿蔔一炸完，再落左木魚同蛋黃醬，一放入口勁鬆軟，小心燙傷嘴唇，最後黎左紫薯流心球，係其他地方食過，所以驚喜不大，但如果未食過，都可以試下。☝🏻

朋友推介我到元朗這家點心店，今晚即管去試試看。點心店在元朗近鳳琴體育館的後街。店鋪很細，只有四五張枱，而且座位有點擠迫。因為過了晚上八點，不算多人，幸好還有一張枱。首先點茶，茶位$10/位，茶只有普通的壽眉，香片。有點貴。我們兩人，點了四份點心。這裡的點心是即叫即做，我們最遲來的那份點心等了三十分鐘，趕時間的最好點蒸的款式。潮州蒸粉果$20很久冇食潮州粉果，粉果皮不算太厚，餡料有豬肉碎，韮菜，沙葛，花生，略嫌餡料份量不夠多，但味道算不錯。春蛋燒賣$26燒賣是豬肉餡，味道不錯。春蛋有點過老，有點硬。金玉滿堂蘿蔔糕$29蘿蔔糕外層加上脆漿，炸得非常脆。上面加上沙律醬和木魚碎，中日crossover，又幾好味，幾得意喎！推介！別有洞天脆皮腸$38你一定以為內裡是油炸鬼，咁就錯啦，裡面是越南春卷網狀的脆皮，還有些蝦膠。有點像炸兩，但這個更鬆脆，口感更豐富。第一次試，很特別，必食！雖然這裡環境不夠舒適，但點心的款式都算幾特別，味道也不錯，不妨一試！

星期日突然想喝茶但係酒樓好多人於是就去點心店。當時唔係好多人等，好快就可以入座。叫左壺香片，我地食到走壺茶都仲有味。叫左黃金蘿蔔糕同黃金蝦餃，幾特別，蘿蔔糕炸到外脆內軟。另外泰式蟹鉗拳頭錦大。最正就係紫薯留心球有雞蛋錦大，入面奶黃餡配上炸過嘅紫薯外皮。