囍囍小廚

营业中

休息中

去完旅行返到嚟香港，想食返啲香港嘢，大排档就真系走唔甩㗎啦。见到呢间装修得几新潮，又可以凉住冷气，一于四个人坐低食返够本。天气开始转凉，已经有羊腩煲可以食，但系叫返个嚟补一补先啦。佢啲牛腩好够腍，最重要系够晒入味，佢啲腐乳真系不得了。不过食耐咗一个汤就会变得有啲咸，呢个时候攞嚟烚埋啲菜就岩岩好。然后我哋叫咗个霸王姜葱鸡，佢啲葱真系超级多，成件事好澎湃。而佢啲姜蓉就会另外上，唔会太辣，清清地。最重要嘅系啲鸡真系好滑好嫩，只鸡都唔会太肥冇乜肥膏，连皮食时罪恶感都少啲啦。然后叫咗个豉油王鹅肠，佢啲鹅肠都好爽脆，不过我就嫌佢有啲唔够咸，如果可以再行少少咁就更加好啦。另外一个小食系椒麻鱼皮，一个整法比较似大陆嘅做法，系我钟意嘅爽脆同埋酸辣，做餐前小食同埋送酒都一流。最后仲叫咗个瑶柱扒豆苗，佢啲豆苗啱啱好唔会太老，瑶柱丝嘅份量都好多，基本上会夹起一处都会沾到。讲咗佢呢度好新潮，连饮啤酒都可以有战斗碗，几个人一齐开心share，啤一啤佢。佢呢度嘅价钱唔贵，但系每一份嘅份量都好足，确实系好抵食。