拉麵來 (已結業)

在中央图书馆hea完！一向知道大坑多嘢食！上openrice睇到呢间拉面唔错！就行去试下！綄纱街附近好多食店好吸引！不过我都系坚持自己嘅选择！去到门口无人排队！不过刚好满坐！侍应哥哥好好！比定餐单我们睇定先！因为第一次食！我都有问下佢有乜推介！佢都好用心介绍比我！大约五分钟之后有位！坐高櫈要向墙面壁食！店内面积唔大！一面对住开放式厨房！一面面对墙！日式传统面店格局！墙上贴咗好多日本玩具装饰（肥髀不停问我可唔可以攞）因为已经拣好！即刻交单！等咗十分钟！两样拉面已经到！1）金--原味豚骨拉面（$78）呢个系肥髀食！佢走葱加粟米！我试食一啖，汤底好浓厚！有浆口嘅感觉！面质拣普通（通常第一次食都选择普通）面烟韧！叉烧淋身唔嚡！系一碗好味传统式猪骨汤拉面！食物有时唔需要花巧！好简单做好一碗面已经好难得！2）土2--温泉玉子鸡汁拌面（$78）呢个因为特别限定！所以拣嚟试下！通常拉面店汤面之外！就只得冷面！呢个特别在系热拌面！上枱已经好喜欢！紫菜同猪肉丝连蛋黄捞埋！唔太食到鸡汁味！但味道好夹！面条烟韧，有蛋汁嘅滑！紫菜香！仲有葱花嘅爽口！猪肉丝嘅咸香！口感同味道都好丰富！比肥髀试咗！佢都话好味！枱上