Café Crêpe (威靈頓街)

营业中

休息中

讲起crepe 通常都会谂起法国，但今次食呢间就系加拿大过江龙，佢地亚洲第一间分店座落中环，上个月lunch去都好多人去惩罚，lunch set包汤或沙律同饮品，餐汤系手打蘑菇汤，唔系金宝汤货色，唔够饱仲可加配甜crepe，不过以我地连个main都食唔哂，见隔离枱个Nutella crepe几正咁，下次黎要试下！🍽St. Jacques 黑松露香煎带子法式薄饼以前食咸薄饼会用薄脆嘅galette，呢度就照用返crepe，薄饼烟韧有蛋香，因为即叫即做所以要等耐少少。呢个薄饼真系超足料！除左面头两块好香牛油味嘅煎带子外，切开后带子粒多到满泻，唔驶担心边角位要斋食薄饼。酱汁好浓芝士味，无意粉𠮶种cream sauce 咁腻，黑松露味就主要黎自面头嘅松露酱，整体黎讲好出色，如果可夹埋蘑菇等其他材料无咁单调就更好。🍽香煎龙脷柳鱼柳朋友on diet叫左呢款，虽然唔系佢地嘅主打，但龙脷柳质素都几好，个皮轻轻炸过，肉质嫩滑，配食到番茄蓉嘅茄酱、沙律菜同藜麦沙律。唯一要挑剔嘅就配菜同跟餐嘅沙律一模一样，而且黑醋多左少少，如果叫呢款就跟餐汤啦。