豚丼のぶたはげ (德福廣場1期)

营业中

休息中

愈嚟愈多日本过江龙餐厅进驻香港，「豚丼のぶたはげ BUTAHAGE」系一间来自北海道十胜带广嘅人气豚丼专门店，经过德福广场见到都几多人食，梗系要去试吓啦🔻牛油粟米稀有豚肉丼定食卖相好精致，托盘上有齐豚丼、前菜、日式汤、茶碗蒸同甜品，相当丰富。十胜豚丼上嘅豚肉采用优质珍稀嘅「KAMIKOMI豚」十胜豚切片，烧至微微焦香后仍保留丰富肉汁，每一口都软稔味美，肉味浓郁，配合金黄牛油同香甜日本粟米，真系非常滋味！🔻日本产稀有豚肉天丼定食同样采用十胜豚，第一次食豚肉天妇罗，原来口感好好，外层天妇罗炸衣厚薄恰到好处，咬落香脆可口，豚肉嫩滑多汁，加上天妇罗酱汁，味道非常唔错～丼饭入面仲有半熟蛋、野菜同紫菜，都几丰富吓！定食配上嘅虾味噌汤同松露什菌茶碗蒸同样出色，特别喜欢茶碗蒸，蛋味浓郁又香滑，仲有好多菇系入面。