影片
更多
2020-05-21
281 浏览
餐厅位于茂林街，呢一条隐蔽嘅细街距离弥敦道只系数十步之遥，绝对旺中带静。胡椒烤饼，嗌完嘢食之后侍应就会即刻摆低一份胡椒烤饼，系每枱免费奉送嘅前菜，烤饼系薄脆嘅，口感类似薄版嘅 Nachos，味道偏咸而胡椒味未算十分突出，但系连奉送嘅前菜都有两个酱汁跟埋真系相当有诚意，深色𠮶个酱带微辣，喺类似菜脯嘅物体里面竟然揾到一啲细嘅莲藕片，都几好食；绿色𠮶个就系 classic 嘅薄荷酱，同烤饼最夹。Garlic naan 蒜蓉薄饼，薄饼口感烟靭，散发住摄人嘅蒜蓉味，烘烤嘅火候亦都控制得相当之好，一整块都有微微嘅焦脆。Chicken Tikka 印式烤鸡块，Chicken Tikka 系源于南亚一带嘅传统菜 Tandoori Chicken 演变而嚟嘅，Tikka 呢个字指嘅系一块一块嘅意思，将鸡肉去皮去骨切块，先用印度香料腌一段时间，然后串起放入烤炉里面烤，最后伴住生菜、生洋葱同柠檬一起上枱，上枱嘅时候铁板同鸡块发出激烈嘅咋咋声，切开鸡肉里面系出奇地咁嫩滑，印度香料嘅味道入哂落啲鸡肉入面，系正宗嘅印度风味。Chicken Vindaloo 鲜辣咖喱鸡，喺点菜嘅时候个印度人侍应听到我地本地人嗌呢一
餐厅位于茂林街，呢一条隐蔽嘅细街距离弥敦道只系数十步之遥，绝对旺中带静。
胡椒烤饼，嗌完嘢食之后侍应就会即刻摆低一份胡椒烤饼，系每枱免费奉送嘅前菜，烤饼系薄脆嘅，口感类似薄版嘅 Nachos，味道偏咸而胡椒味未算十分突出，但系连奉送嘅前菜都有两个酱汁跟埋真系相当有诚意，深色𠮶个酱带微辣，喺类似菜脯嘅物体里面竟然揾到一啲细嘅莲藕片，都几好食；绿色𠮶个就系 classic 嘅薄荷酱，同烤饼最夹。
Garlic naan 蒜蓉薄饼，薄饼口感烟靭，散发住摄人嘅蒜蓉味，烘烤嘅火候亦都控制得相当之好，一整块都有微微嘅焦脆。
Chicken Tikka 印式烤鸡块，Chicken Tikka 系源于南亚一带嘅传统菜 Tandoori Chicken 演变而嚟嘅，Tikka 呢个字指嘅系一块一块嘅意思，将鸡肉去皮去骨切块，先用印度香料腌一段时间，然后串起放入烤炉里面烤，最后伴住生菜、生洋葱同柠檬一起上枱，上枱嘅时候铁板同鸡块发出激烈嘅咋咋声，切开鸡肉里面系出奇地咁嫩滑，印度香料嘅味道入哂落啲鸡肉入面，系正宗嘅印度风味。
Chicken Vindaloo 鲜辣咖喱鸡，喺点菜嘅时候个印度人侍应听到我地本地人嗌呢一个辣鸡当堂o哂嘴，然后同我地讲呢个鲜辣咖喱鸡系几咁辣，由于同伴侣都好钟意食辣(通常我食谭仔会嗌中辣)，所以就抖胆挑战一下呢个辣鸡，跳皮嘅印度侍应上菜嘅时候仲同时放低一句 good luck，佢呢一个举动令我对呢个辣鸡更加期待，即刻不起羮辣汁嚟个近镜，发现个汁有大量磨碎咗嘅辣椒籽已经热汗直冒，一啖入口，咖喱鸡比烤鸡嚟得更加嫩滑，辣椒籽嘅冲击系慢慢渗出嚟𠮶只，我觉得个辣度系介乎谭仔个中辣同小辣之间，绝对辣得过瘾。
张贴
