築間酸菜魚

朋友知道我钟意食酸菜鱼，佢话铜锣湾新左间来自台湾，全港第一间台式酸菜鱼，所以就特登带我去食。餐牌好多嘢食，朋友发办点左小碟鱼、炸物、甜品同饮品各二。外面有陈皮茶同洛神茶无限添饮，两款茶都可以帮助消化，几好。椒盐鸡软骨：刚炸起，好香口。呢度鸡软骨用左胸部一条长嘅肋骨做软骨，唔同出面一粒粒嘅鸡软骨，比平日食开果D更加有口感。浪子盐酥鸡：用7种特制香料腌超过8个钟，食落脆口，热辣辣，椒盐味道香。嘉义砂锅鱼：小嘅份量都几好㖞，一个人都可以食得晒。鱼先用沙茶酱、猪油、辣豆瓣、洋葱同香菇等配料爆炒再煮，呢个系鲈鱼，口感厚实，秘制沙茶酱辣辣地，煮得入味，几好。总长酸菜鱼：酸菜鱼系乌鲤，肉质鲜嫩，连汤底都有鲜味。里面有酸菜、芽菜、木耳、腐竹同宽粉，整体酸酸辣辣，味道刚好，开胃，越食越想食。红豆仙草：甜品是自家制，仙草配红豆又几夹，甜甜地。冬瓜黑糖奶冻：奶冻口感好似豆腐花咁滑，但有质感，配冬瓜黑糖又几好㖞。冬瓜柠檬茶：味道正常，甜甜地有柠檬味。暴走波奶茶：奶系用左炼奶，所以会比平日果d偏甜少少，另外里面珍珠系寒天黎架，几特别。