神虎麺商店

营业中

休息中

拉面虽然各家各店唔会太大差异，但汤底同配料不同嘅配搭永远令人跃跃欲试。今次嚟到利东街隔篱嘅神虎面商店，呢间拉面店嚟自大阪，香港只此一家，由日本师傅主理。叫咗黑虎（黑蒜）同海老虎（虾）两款。我食嘅海老虎系香港限定，即使喺日本总店都食唔到架～汤头虾味浓陏，但唔系因为樱花虾仔，而系特制虾油带出鲜味。选用偏向东京风味嘅曲蛋面，挂汤力高。整体比较咸香，贴近日本人口味。薄叉烧系用西班牙猪肩肉整，肉腍而味浓。猪肉丸系我第一次见嘅配料。肉丸几弹牙，入面有爽口莲藕粒。细佬一如既往拣咗黑蒜拉面。我哋亦加咗$12，share溏心蛋食。蛋黄流心，蛋白刚熟👍小食方面我哋较为推介饺子。煎饺子比常见嘅大只，内馅锁住肉汁但肉本身并唔肥腻，仲有唔少蒜粒。特别系皮造得稍带黏韧，更加可口。必须趁热食先够脆！炸鸡睇得出绝对自家制，大件嘅鸡块用上嫩滑鸡脾位，炸皮有葱蒜丝，更加香。拉面店喺油、面质等等地方都冇得按个人喜好拣，特别在叉烧同猪肉丸，适合钟意浓味汤底嘅人。