常得館湖南米線

营业中

休息中

之前系旧舖都见到几多人食，成日都想去嚟试下。搬左新位置，更加方便，近返元朗市中心。本身都几惊会好辣，贴近返湖南口味，但有得拣辣度，啱哂我食开微辣嘅人😜😜湖南麻辣牛肉米线，食完都觉得系餐厅招牌之一。朋友拣左小辣，对我嚟讲都有啲辣。加入左蒜蓉同葱粒更加惹味。牛肉带有脂肪，肉质软腍，食落都几香口。牛肉辣辣地，加埋汤底系香而辣😋😋猪软骨冬菇米线，叫左微辣，食食下就觉得唔够辣，加左枱面嘅辣椒粒。而猪软骨肥瘦适中，冬菇炆到好淋。但最好食嘅都系啲米线，同一般米线唔同，湖南米线系用大米制成，好香米味，又唔会煮到淋哂，加埋每日新鲜煲嘅猪骨汤底，食完都唔口渴👍🏻👍🏻夏天饮冻柠茶真系好爽，消暑之余又解辣🤩🤩