喜泰味

营业中

休息中

必试二人套餐同朋友喺附近买完野，又想食泰菜，喺丽阁商场见到喜泰味生意都唔错，就决定一试，环境都算阔落舒服，侍应姐姐人好nice。我地一左落去，侍应就送左份免费嘅虾片，唔知系咪因为肚饿，觉得好好味，香脆酥化，一上枱已经俾我地清晒。二人套餐 - 马拉盏炒通菜，同埋泰式海南鸡(半份)我地见二人套餐好似几抵，于是就拣左份马拉盏炒通菜，同埋泰式海南鸡(半份)，菜式虽然简单，但又几好味㖞。马拉盏炒通菜都几有镬气，食落好惹味，咸香浓郁，送饭一流，适当嘅香辣味更加喺点睛之笔。泰式海南鸡意外地唔错，鸡皮爽滑，鸡肉都算滑嫩，唔会柴，食得出有鸡香味，配埋辣椒酱更加滋味，令人胃口大开，而且二人套餐黎讲都足分量，食得好饱。菠萝沙冰加左11蚊饮呢杯沙冰，菠萝味都好重，果味好香好新鲜，饮落觉得好fresh好解渴。泰式芒椰西米🥭朋友仔就order左一杯泰式芒椰西米，香浓既椰汁配合香甜可口既芒果，再加上粒粒弹牙既西米，每一啖都好有满足感。椰汁西米糕最后送左份糕点，清甜冰凉，都几爽口，下次可以order翻份。