天后甜品 (已結業)

呢间嘢真系差到我忍唔住要为佢打一篇负评等啲人唔好去帮衬佢唔好中伏！本身一向食开附近个间(唔想开名废事比人话系打手)，但因为寻晚一共有8个人而𠮶边又唔知几耐所以就谂住食住天后串烧先，点知一肚气！我都明白间铺唔大而我地人都比较多所以谂住坐里将啲二人枱泊埋一齐，点知个呀婆侍应好坚持唔得要我地坐门口张6人枱但其实根本唔够8个人坐(我地有男仔)。佢叫我地迫啲坐如果唔系就分枱，坚持佢啲二人枱唔泊得埋一齐。搞咗轮终于屈服坐门口张6人枱之济佢就高调地同近门的4人枱𠮶3个客讲话「麻烦你地去后面张4人枱吖，佢地有8个人系要一齐坐要用你地一张枱」佢真系比哂说话我地听，已经唔gur不过肚饿就谂住算啦但我地决定唔叫咁多因为佢态度实在太差，完全唔想益佢。系咁易叫咗大概几串嘢食同一个鱼蛋捞面(劲难食又贵！7仔比佢平比佢好食😡) 呢个时候个呀婆侍应就发难！佢西口西面埋嚟同我地讲「你地下次唔再嚟食啦，搞咁耐人又多但食得又少仲赶走哂我啲客」(插曲1: 前面有枱大陆客因为等太耐一怒之下走，之后个呀婆侍应发难话落咗单煮紧唔可以唔埋单！由于佢态度语气面口都好难，个男人系燥哂底话你依家比到我咪比钱啰！呀婆侍应坚持之后个男仔燥住话