洪師父牛肉麵

营业中

休息中

一入嚟侍应姐姐西口西面，举手落单佢连续几次佢见到都扮见唔到，以为佢盲咗😅跟住叫咗另外个侍应哥哥嚟先知原来部电脑坏咗落唔到单，心谂你唔讲我鬼知咩😅🙏🏻之后隔咗一阵𠮶位姐姐成个qr code pat落嚟张枱度，原来系要自己落单，真系多谢晒🙏🏻🙏🏻之后每样嘢食嚟到，侍应都系dum dum dum咁pat啲嘢食落枱，差啲成碗汤淋到落我个身度！但佢照样一句嘢都无讲过，西口西面咁走咗食物方面自己睇相啦😅卤猪耳同猪大肠都好似琴晚食剩喺雪柜拎出嚟咁，仲要冻冰冰，食欲全无😅😅另外叫咗麻酱拌面同牛肉面，麻酱拌面质素还可以，但牛肉面个汤底好似豉油沟水咁，见到都唔开胃😅😅强烈建议唔好帮衬!!!