甜蜜蜜甜品專門店 (已結業)

甜蜜蜜，一直都系尖沙咀区龙头糖水舖，"心太软" 和 "疏乎里"都系招牌甜品。但系近期响附近开左一个新的糖水舖，分散左不少客源。但系成班人难得行开去到尖少咀区，当然要去番老品牌的糖水食下。可能真系客源分散左，唔系以前有咁多人响门口等位。但系都要花少少时间去等下枱先有得入。坐低左，紧系叫番个心太软，疏孚里，士多啤利窝夫，迷你大堆头。全部食物都系制作需时，所以都要等左一阵先有得食。首先食下个心太软，一样咁好食。切开个甜品，中间溶左的朱古力流晒出来，仲要系好够热，食落口感好甜。跟住要快水快脚食个疏孚里呀，如果唔系个疏孚里会 "冧"左。点埋个朱古力酱，味道都系一流。士多啤利窝夫，个士多啤利酱都好甜，个窝夫都好松软，感觉好好食最尾食番个迷你大堆头，即系什果凉粉西米露。什果和凉粉都系一般，所以相比其他甜品，呢个就好似比较逊色。但系整体来讲，各种招牌甜品都仲系有一贯水准，而且味道一流。难怪店内都仲有好多客人光顾。