鳴門魚市場居酒屋 (已結業)

大半年冇去西营盘，咁啱午饭时间见完个客，顺便一人食个午饭。第四波疫情以黎已经好少堂食！所以真系要拣一间好好味嘅去！提起西营盘久不久就会记起口鸣门嘅水准鱼生饭，一于又去帮衬啦。店舖比较细，坐位与坐位之间比较窄，疫情期间自然要减少位置，好彩唔驶等位，店员一如以往爽快有礼貌。水准都系保持得咁好！赞！🍣🍱今次点海胆饭拼带子饭。忘记了价钱，两个小碗都系我最钟意食嘅鱼生！真系太感动了！🍚海胆饭海胆鲜味，配好几串海葡萄完全唔马虎，咸咸地又爽脆，令成个饭双重口感！好味！🍚大大粒鲜带子配鱼籽同紫菜，软淋淋嘅鲜带子烧轻轻烧过，加埋鱼籽又系咬落卜卜声，又系双重口感超好味！