阿來東南亞風味 (已結業)

今晚去到旺角嘅烟厂街附近， 天气开始转得较为清凉一点， 我们 四处逛逛附近的小店， 行到近广华街那里揾食， 见到有阿莱东南亚泰菜， 之前喺太子试过 几抵食而且味道唔错。 荔枝梳打$22 次次食泰菜都饮青柠梳打，今次一于试新嘢。非常唔错， 荔枝梳打好够气好够冻， 饮到最后都 仲有气而且唔会淡。椰青(+$20)椰青水好清甜， 冇个种酸酸地嘅青涩味。 而且里面嘅肉更加甜滑。 泰式柚子虾沙律$68 平时想食有时都大费功夫， 而家可以成盘柚子肉， 仲捞入干葱头，炸蒜，其他香料同好多泰式虾米仔， 口感丰富惹味。 反而只虾冇咩鲜味。海南鸡饭$51价钱亲民， 预料份量会好细。 竟然有惊喜鸡件都算多。 鸡皮爽滑鸡肉肥美， 估唔到仲啖啖肉， 沾上特制秘制海南鸡酱， 系越食越开胃。 仲有个鸡油饭， 唔会好油且有好香嘅鸡汤味， 软熟香甜。 马拉盏炒芥兰$58芥兰嫩绿冇苦涩味， 马拉盏唔会太咸， 同样都系有好多泰式虾米， 风味十足。星马蛋黄鸡翼$68薄薄嘅一层咸蛋黄浆包著炸鸡翼， 非常甘香惹味，唔会好咸或者好干， 鸡翼热辣辣里面仲好juicy。 好美味嘅小食。餐厅越夜越多人， 似乎好多都系街坊街里嚟开餐。