聰少甜品 (已結業)

喺屯门开店早期，真系成日都黎，之前成日搞啲特别版水果冰、糖水，菠萝冰、紫薯豆腐花等，就系咁成功令我心思思想去食最近冇再推出新野，加上夜晚经过几次都要排队等位，到等到位入去，又催人走，我就冇再去喇。是日下午茶黎到，空位挺多，见未够钟睇戏就歇一歇。餐牌同之前大致一样，有水果冰、西米露、豆腐花、凉粉、双皮奶、中式糖水等，定价合理。龙眼椰果冰 $40天时暑热，冇办法抗拒龙眼冰，清爽消暑。而家仲标明一份等如30粒龙眼，非常足料。龙眼冰清甜不腻，边食边感觉到龙眼肉嘅口感，同食紧龙眼冇分别。冰唔算打得好碎，但都够滑。面头仲有椰果、珍珠，加强口感。食过几款水果冰，依然觉得龙眼系最好食。杏仁茶炖蛋 $33可转芝麻糊或合桃糊，价钱一样。上层系杏仁茶，上枱已经闻到好香，质地稀身，滋润度高。下层系炖蛋白，份量唔多，但好滑溜，不错吃。呢间分店较尖东嘅坐得舒服，有高枱高櫈，有长枱有细枱，下午茶时间黎基本上都有位坐，晚上就多人啲，通常都要等位。服务可以话系冇，店员都系后生细仔，间中会睇你唔到，有需要举多几次手就冇问题，冇收加一服务费，我冇特别要求。