影片
更多
2010-12-05
9 浏览
今日屋企赌马到下午三点多都唔愿食饭 , 四点我外出去揾食 , 前日听到朋友【小贵子】话近日成日帮衬 , 但话味道较咸叫我谂清楚先 , 因为我本身食野比较淡口。去到净返一张枱冇客坐 , 坐低即叫【牛腩米$20 + 冻奶茶$6=$26】, 期间我听马赢左五佰蚊 , 几旺我㖞间铺座向风水 ... 哈! 先讲【牛腩米】, 牛腩同我多年前帮衬一样 , 焖得都系唔够腍 , 而且牛腩切唔离刀 , 有几旧黐埋一齐好难分开 , 清汤牛腩真系过份清 , 冇乜味道唔系我杯茶。米粉系自家浸【东莞米粉】, 似家庭 feel 几爽口 , 亦似【彪记】o既米粉 , 但牛腩同【彪记】冇得比。汤底我觉得唔掂 , 太简单冇特别唔惹味 , 冇一种鲜甜味道 , 但绝对冇好似朋友【小贵子】讲好咸 , 而且我觉得淡添!!!【辣椒油】唔香又唔够辣 , 【豉油】有少少酸醋味 , 可能【豉油 & 醋】个瓷器樽系一样 , 而且又唔透明表面又冇标记 , 可能佢地都周不时入错樽 , 所以味道有两沟感觉 , 呢样要特别注意。辣椒油唔够香及辣 , 又系令人缺少左一种过瘾 , 好多时真系为辣椒油 , 而觉得碗面特别好食。【冻奶茶】都系一般 ,
去到净返一张枱冇客坐 , 坐低即叫【牛腩米$20 + 冻奶茶$6=$26】, 期间我听马赢左五佰蚊 , 几旺我㖞间铺座向风水 ... 哈!
先讲【牛腩米】, 牛腩同我多年前帮衬一样 , 焖得都系唔够腍 , 而且牛腩切唔离刀 , 有几旧黐埋一齐好难分开 , 清汤牛腩真系过份清 , 冇乜味道唔系我杯茶。米粉系自家浸【东莞米粉】, 似家庭 feel 几爽口 , 亦似【彪记】o既米粉 , 但牛腩同【彪记】冇得比。汤底我觉得唔掂 , 太简单冇特别唔惹味 , 冇一种鲜甜味道 , 但绝对冇好似朋友【小贵子】讲好咸 , 而且我觉得淡添!!!
【辣椒油】唔香又唔够辣 , 【豉油】有少少酸醋味 , 可能【豉油 & 醋】个瓷器樽系一样 , 而且又唔透明表面又冇标记 , 可能佢地都周不时入错樽 , 所以味道有两沟感觉 , 呢样要特别注意。辣椒油唔够香及辣 , 又系令人缺少左一种过瘾 , 好多时真系为辣椒油 , 而觉得碗面特别好食。
【冻奶茶】都系一般 , 10分满分我只能够俾6.5分 , 好在红茶唔涩 , 但奶都系唔够多 , 但都可以饮得下。
现场堂食地方都 ok 好坐 , 有电视机睇冇咁闷 , 今午系赛马日 , 有样唔好就系电视播赛马 , 现场好多老人家围住门口 , 不停呐喊叫住自己心目中马名及号数 , 对唔赛马o既食客其实都有滋扰 , 我虽然都赌马 , 但我宁愿唔睇马 , 都唔想食紧野俾班赌徒 , 系铺外面围住我不停大叫呐喊 , 好唔自在丫嘛!
现场卫生都唔错几干净 , 筷子肉眼睇好似唔干净 , 其实系筷子表面有嚡嚡地质地 , 但摸落去系好干净好干爽。
埋单事头婆收钱 , 佢有讲『多谢』, 而且态度非常亲切热诚 , 呢样令我特别加多好多分数 , 今次呢餐如果总数10分满分 , 食物我都系俾 6.5 分 , 服务及态度加多2.分 , 即系总数共 8.5 分 , 下次都会再帮衬 , 再试下其他食品 , 例如其他食家介绍o既咖喱 , 真系好想试下。
张贴