康記菜館 (已結業)

几个朋友仔去长洲扫街郊游，入夜 又攰, 又费时等，求其一间菜馆有位食海鲜就上嘞! 点知就系甘中左伏 添……"康记菜馆", 一般大排档格调款式既海鲜中菜馆。我地七个人坐张大圆枱, 睇左餐牌后，拣选左个抵食海鲜餐，六款海鲜加精美小菜及油菜各一款都系$408, 好鬼平价价 ，但一分钱一分货，下次都系米制……上菜都几快 ，等一阵姐就有得食……哗 碟碟超迷你啊！1.白灼海生虾 : 得果几只虾，完全无味唔新鲜。2.姜葱炒肉蟹 : 无咩肉食。3.椒盐鲜鱿 : 炸得香脆有囗。4.蒜茸篜扇贝 : 扇贝唔鲜甜，配料味淡。5.鼓椒炒圣子 : 一d获气都无, 无咩鼓椒味又唔辣，圣子仲好淡囗，完全零爽甜。6.清篜海上鲜 : 最好系呢碟白䲝鱼，虽然细条，但起码鱼肉新鲜。小菜西柠鸡 : 炸鸡块属于中规中矩。蒜茸炒白莱仔 : 炒得够香甜。我地另外order左碟虾酱炒饭 ，唔咸刚好，饭比较亁身左d。老实讲，呢餐海鲜餐平就平嘞，但唔够饱兼水准奇差，衰过茶餐厅，所以话呢~便宜莫贪！