粗菜館

营业中

休息中

九龙城除咗泰国菜都有好多其他选择，当日系9月其中一个星期日，三人叫咗5𩠌同一个猪油捞饭。叫咗姜䓤炒鱼腩，山楂酱排骨，北菇扒时菜，鲜鱼汤浸时菜和蚬蚧炒鸡肉。每个𩠌平均都系80几蚊，都算平，不过份量真系细咗啲。个北菇扒时菜啲汁太杰，普通。返而个汤浸时菜虽然望落好清，其实系好够味，健康之选。山楂酱排骨有好多旧，好食，酸醋甜甜，呢个推介。至于姜葱炒鱼腩正常出准啦，蚬蚧鸡肉就伏伏地，味道过咸同鸡件冇肉嘅。呢间餐厅都开咗好多年，记得当年系以蔡润推介吸引食客，尤其系猪油捞饭，令人怀念小时候⋯⋯下次会再去食其他𩠌，希望发掘更美味的菜式。