餃掂手工餃子雲吞專門店

因为同事食素嘅关系， lunch Time都要揾啲佢食得嘅嘢，咁啱公司附近开咗一间手工饺子，我就谂一定无死啦一定有素食饺，带左同事黎食。不过系食饺子之前，先来一个状元九鼎汤，非常非常欣赏呢个汤！因为佢真系完全零味精真材实料宝出嚟，一般可以瞓到两个人饮，听闻呢个汤可以灵神减压，饮得多所有烦恼都飞走啦。俾个汤惊艳左之后，同事个松茸素饺终于黎啦，好香嘅松茸味啊，未食已经闻到，皮薄馅靓呢个形容词真系好适合形容呢度嘅饺子～头先我叫咗个煎嘅粟米香菇饺，一直以来我食饺子都好钟意一开始就叫粟米香菇饺，因为粟米同香菇劲咬口好夹，而且香菇嘅味道同猪肉亦都好夹，再加上煎嘅香脆，绝对系一流。净系食饺子唔够嘅，所以叫咗个两面，小小辣好开胃，亦都增加左饱肚感。