銀座梅林 (已結業)

是晚一位友人请我食生日饭, 我地选了k11的”银座梅林”。友人未食过, 而我就净系外卖过猪扒三文治。8:00pm去到, 唔洗等位, 入面大约都系3-4枱食客。我地叫咗2个set share食 (set 有主菜、面豉汤、渍物、而椰菜及白饭就无限refill)：吉列(黑豚)猪柳定食：觉得猪柳会好食过猪扒, 所以叫呢set。果然好味, 猪柳好juicy。可惜呢度唔似tonkichi咁, 呢度无得自己磨芝麻。所以净系可以配猪扒汁, 而无咗d芝麻香。吉列带子定食： 个带子ok, 系由熟带子炸成的。我记得Tonkichi好似系由生带子炸的, 口感完全唔同, 生好似好好多。个白饭ok, 我地都系一碗止。椰菜 配上 芝麻沙律汁 超好味, refill咗一次。面豉汤唔太浓, 有d肉, 都ok。渍物我就无咩兴趣。我地由8:00pm坐到10:00pm, 一直都唔多”新食客”, 唔通已经唔兴食炸猪?!?!service好好, 环境都不错。