影片
更多
2009-05-02
28 浏览
上手间厨具舖执左笠，见到装修做食肆，整招牌个时见到有金铭两个字，颇有期待，想试下佢咩野料？卒之开张嘞！第一天即时帮趁，想买一份牛杂外卖试下．门外有一排凳，坐左几个著住金铭制服后生仔谈笑喧哗，唔通唔使做？唔明！入到去，六成人到，问一个阿姐一份牛杂行街几银？满口乡音既阿姐好似唔知我讲乜，系咪我失败？好彩另外有个阿叔答话４９蚊（４８＋１）！好似贵Ｄ㖞！横掂都系想试下啫，都好啦！面档个师父仔攞左个发泡胶碗出来，见佢比普通外卖碗大一皮，心想如果份量有番咁上下都唔错既！谁知个师父仔只系膀肚肠肺每样切左三四粒腐乳咁大旧既野落个碗度，刚好舖满碗底，然后毕左壳面汤落去，加埋晒都系１／３左近，拎上手轻飘飘！冇搞错系马？咁就成五条野？比钱个阵连多谢都冇声添？一路咕咕声番到屋企，用对筷子（自备个只！）好似大海捞针咁，捞既时间仲多过食既时间，用Ｄ面汤浸住，咩卤水味都冇晒啦！剩番Ｄ咸味，系极咸个只！成晚饮水饮到半夜起几次身去厕所！下次都系咪搞！咁既水准就叫名店？Ｄ＂食家＂都好仁慈啫！仲有一样野，佢地在门口出面打鱼旦，好似有睇头，但系Ｄ街坊就多得佢唔少啦，成条行人路都系水，滑孱孱，跌亲Ｄ老人家点算？
卒之开张嘞！第一天即时帮趁，想买一份牛杂外卖试下．
门外有一排凳，坐左几个著住金铭制服后生仔谈笑喧哗，唔通唔使做？唔明！
入到去，六成人到，问一个阿姐一份牛杂行街几银？满口乡音既阿姐好似唔知我讲乜，系咪我失败？
好彩另外有个阿叔答话４９蚊（４８＋１）！好似贵Ｄ㖞！横掂都系想试下啫，都好啦！
面档个师父仔攞左个发泡胶碗出来，见佢比普通外卖碗大一皮，心想如果份量有番咁上下都唔错既！
谁知个师父仔只系膀肚肠肺每样切左三四粒腐乳咁大旧既野落个碗度，刚好舖满碗底，然后毕左壳面汤落去，加埋晒都系１／３左近，拎上手轻飘飘！冇搞错系马？咁就成五条野？比钱个阵连多谢都冇声添？
一路咕咕声番到屋企，用对筷子（自备个只！）好似大海捞针咁，捞既时间仲多过食既时间，用Ｄ面汤浸住，咩卤水味都冇晒啦！剩番Ｄ咸味，系极咸个只！成晚饮水饮到半夜起几次身去厕所！下次都系咪搞！
咁既水准就叫名店？Ｄ＂食家＂都好仁慈啫！
仲有一样野，佢地在门口出面打鱼旦，好似有睇头，但系Ｄ街坊就多得佢唔少啦，成条行人路都系水，滑孱孱，跌亲Ｄ老人家点算？
张贴