樂麵

营业中

休息中

通常去到葵芳都系扫街，好少会入商场坐入铺食正餐！不过今个复活节假期度度都人少少，唔使排队就坐低自自在在咁食啦！点左一个鲣鱼鸡汤拉面，一个胡椒猪肚汤拉面，两个汤我都拣浓厚汤底。一碗炒饭加个小食，拉面差少少$100，都接受嘅！上到枱！汤好浓好香👍🏻👍🏻义烧好滑唔柴，仲有佢啲荀一啲都唔臭！系日本食拉面，我一定夹走晒啲荀，但今次食晒！食完个面我就将炒饭放入汤，继续成碗连汤连饭都食晒饮晒！一啲都无口渴！小食叫左个虾胶酿山葵，几特别，不过炸得唔干，上碟油滴滴，希望可以改善！每枱都好似日本咁，有一大壸冰水，愈食愈热，啱哂！希望下次去可以试埋佢个炸池鱼同豚角饭！