影片
更多
2021-12-07
1278 浏览
预订左半年先book到, 但系真系唔值得等咁耐!预订嘅时候已经pre-order左少爷焗猪扒饭, 因为我哋只有五个人, 而个猪扒饭嘅portion要求最少6位收费, 我哋都冇所谓啦, 因为都想睇吓究竟系咪真系咁好食! 当晚系星期六, 六点就去到, 知道要八点还枱谂住都应该唔会有问题啦, order左人头杏汁猪肺汤, 虾多士, 茶熏鸡, 花雕鸡油蒸马友, 焗肉蟹煎肠粉, 仲有Pre order左嘅少爷猪扒饭, 杏汁猪肺汤系足料同重杏仁味, 女仔饮完已经有啲饱, 虾多士系非常之大只比平时你喺出面食嘅都大只, 足料系好食嘅. 茶熏鸡 ok啦, 冇乜特别. 我觉得成晚最好食嘅系花雕鸡油蒸马友, 花雕味好浓, 值得推介! 焗肉蟹煎肠粉啲肠粉先至系重点虽然好油但系吸晒啲蟹嘅味道非常惹味! 饮完汤食完四道菜之后等咗半小时都未上猪扒饭而见其他客人每一台都上咗剩系得我哋𠮶台冇, 咁我哋追问啦佢竟然问我哋有冇pre order度, 即系漏单啦, 同佢讲我地几日前电话已预订, 佢先同我哋讲话整紧! 当时已经7:45pm, 之后有个疑似老板娘嘅走埋嚟同我哋讲死啦点算呀仲有蛋糕添之后𠮶啲客人咪成九点几先有得食,
预订嘅时候已经pre-order左少爷焗猪扒饭, 因为我哋只有五个人, 而个猪扒饭嘅portion要求最少6位收费, 我哋都冇所谓啦, 因为都想睇吓究竟系咪真系咁好食!
当晚系星期六, 六点就去到, 知道要八点还枱谂住都应该唔会有问题啦, order左人头杏汁猪肺汤, 虾多士, 茶熏鸡, 花雕鸡油蒸马友, 焗肉蟹煎肠粉, 仲有Pre order左嘅少爷猪扒饭, 杏汁猪肺汤系足料同重杏仁味, 女仔饮完已经有啲饱, 虾多士系非常之大只比平时你喺出面食嘅都大只, 足料系好食嘅.
茶熏鸡 ok啦, 冇乜特别. 我觉得成晚最好食嘅系花雕鸡油蒸马友, 花雕味好浓, 值得推介! 焗肉蟹煎肠粉啲肠粉先至系重点虽然好油但系吸晒啲蟹嘅味道非常惹味!
饮完汤食完四道菜之后等咗半小时都未上猪扒饭而见其他客人每一台都上咗剩系得我哋𠮶台冇, 咁我哋追问啦佢竟然问我哋有冇pre order度, 即系漏单啦, 同佢讲我地几日前电话已预订, 佢先同我哋讲话整紧! 当时已经7:45pm, 之后有个疑似老板娘嘅走埋嚟同我哋讲死啦点算呀仲有蛋糕添之后𠮶啲客人咪成九点几先有得食, 系佢哋漏单仲好意思过嚟比说话我哋听! 之后成餐饭都系成成吐气因为佢哋系咁过嚟催我哋埋单!
其实成餐饭已经唔系好pleasant因为个老板娘系咁闹其中一个伙计, 而佢哋当晚系接左好多外卖, 其中好多嗌左外卖嘅客人都企咗喺门口等咗好耐, 如果佢哋厨房做唔切嘅话就唔好接咁多单啦！认真, 请我都唔会再去! 香港而又畀得起呢个价钱又好食嘅餐厅大把啦点解我要去受气啊
47 浏览
0 赞好
0 留言
张贴
