大家樂 (已結業)

今日好寒冷，去大家乐最应该食火锅，但系揾位既时候，我见到隔离枱碟类似“生炒牛肉饭”好似唔错㖞，而且又好大碟，仲标榜系“即炒”，于是就谂住叫返个啦，去到收银水牌见到，原来系“杨洲炒饭”来的，好啦都好啦，试左先于是就点呢个吧。原来呢个因为即炒既关系，系唔需要排队的，等叫号码便可，等左大约八分钟就可以取，但取见见到，成个饭白雪雪好清，真系同茶餐厅有好大距离，咦，但系点解见到我幅图又好似好靓咁呢？系因为我走左去“火锅自取配料区”度，自己加返些炸蒜粒，及自己加左 豉油，所以望落靓返好多，其实只要用心，连我呢亭唔识煮饭者，都可以令到个饭丰富精彩的。讲返味道，其实真系同一般茶记仲有一段距离，更加唔太敢讲同大排档相比了。