豪華咖啡茶廳

营业中

休息中

黎到港岛唔一定要食贵野，港岛亦有价钱大众化美食，好似朋友所讲，价钱唔代表食物味道一切，最重要厨师有一双巧手令食物变得好食。我地怀旧一下，走入豪华咖啡茶厅饮下茶食个下午茶治。呢度三文治平绝港岛，只系10至15蚊，而且烘底同普通底一样唔需要加钱，非常实惠。我拣左最基本既烘底餐蛋治，餐肉厚度不薄不厚，亦唔油腻唔偏咸，比平日一般食开既较岩女生口味。鸡蛋亦煎得软滑，唔会过老，薄片方包烘底后焦脆感更系香味逼人，难以舍弃。香港可以饮奶水蛋既茶餐厅已经少之有少，难得豪华咖啡茶厅依然保留呢种港式特色饮品，仲要只卖14蚊，我冇唔叫既理由😆香甜既炼奶，黄澄澄既蛋黄浮游炼奶之中，轻轻刺穿蛋黄后，不断搅拌，奶水蛋瞬即变得更为滑顺浓香。朋友叫左呢度最有名既蛋牛治，虽然方包烘得好脆，但感觉上蛋牛治比我既餐蛋治望落单薄，口感亦冇餐蛋治丰富，牛肉份量少，有啲失色。呢度既奶茶茶味馥郁，浓郁奶香，层次分明，口感柔顺，深得朋友欢心。