古早味原住台灣 (已結業)

虽然飞台湾好近，但系有时都会好想食台湾嘢，咁啱去k11，发现对面开咗间好似几好食嘅台湾嘢，就去试下啦 台湾嘅甜不辣简直系我最爱无论系炸嘅定系卤水嘅，而呢度嘅系炸甜不辣，外脆内软，夹埋个甜酸酱超好食😆 花枝虾饼外脆又弹牙，点埋个鸡酱好惹味🤤 绍兴醉虾卖相好吸引，啲虾只只都好大只，入口好浓嘅酒香，虾头有膏，肉质弹牙，妙🤤 叫咗个羊肉炉，有酱料提供，承惠每位18蚊，唔食酱料都要畀🙂 材料丰富嘅羊肉炉，有菜 木耳 枝足，当然仲有主角羊肉。羊肉嫩滑带点骚味，比我想像中好食。 个汤先系重点，一啲都唔油腻，饮落口仲好暖胃，饮左几碗🤣 点少得响铃嚟吸汤汁 加埋一，466蚊，食到捧住个肚走。😈