Le Grande Bleu (已結業)

星期六晚同老公去跑马地新开既Le Grande Bleu食浪漫西餐。我地叫左Signature Set，有六道菜，再叫左汽水。羊肚菌忌廉蘑菇汤蘑菇汤好浓稠，饮到一粒粒既口感，好饮。手工黑松露带子酥酥皮包住黑松露同带子，酥皮好松化，带子弹牙。慢煮鲜鲍鱼鲍鱼软腍得黎又烟韧，伴鲍鱼肝汁一齐食更浓味。白花胶花胶腍到唔驶用刀都分开到，一定要伴法式藜麦白汁食，同花胶好夹。新派意大利饭有鱼籽酱、烧汁鲍鱼、三文鱼籽三款，要顺次序左至右食，分别用上忌廉汁、鲍鱼汁、自家制白汁，亦采用正宗既意大利饭，比较硬身有咬口。手工鹅肝雪糕一入口好滑身，跟住鹅肝味就会出现，最后留有余韵，好特别。汽水叫左Zero同雪碧。