保家山 (已結業)

观塘 保家山今日去观塘食咗一间手工汉堡，门口写住burger山，入到去收银就会见到座用汉堡包代替平安包做嘅长洲抢包山，好得意。老板话佢细细个食汉堡包都会好开心，但系来来去去都系得啲大牌子，佢希望创造有香港特色嘅汉堡包，所以就创立左burger山。「山」手工和牛汉堡（港式酱汁）$98既然话舖头系有香港特色，我就叫咗个港式酱汁和牛汉堡，个包超级厚，港式酱汁系有微酸，比起一般嘅汉堡酱汁特别，牛肉亦都相当之重嘅牛肉味，咬落去相当Juicy，高质过连锁汉堡好多倍。紫菜薯条+$4呢度嘅薯条系即炸极之香脆，而且仲有相当多嘅紫菜碎，紫菜味非常之突出。卡邦尼培根蛋面 配沙律及餐汤 $98虽然系间汉堡包店，但系呢度嘅意粉都做得好出色，个卡邦尼酱汁相当之重芝士味，而且每条面都好挂汁。配埋柚子汁嘅沙律。另外餐汤系粟米汤，粟米嘅香味相当之浓郁。无糖蜜桃茶 +$8食汉堡包可以唔饮汽水，无糖蜜桃茶有淡淡的蜜桃香味，食完汉堡包饮非常之解腻。