德美壽司

营业中

休息中

保持一贯水准的〔德美〕今日放工，经过厚福街，突然好想食日本野，就谂起〔德美〕，好多年前同朋友食过一次，已经觉得好食，多年后再访，仍然保持一贯水准，餐厅环境舒服，亦都有日本feel，半开放式厨房，可以睇到到师傅准备食物既用心，我叫左个德美海胆鱼生饭同烟肉蚝卷，德美海胆鱼生饭 $172：呢个鱼生饭，有三文鱼、油甘鱼、虾、蟹子、带子、玉子、海胆、三文鱼子、蟹柳，款式多而且非常丰富，卖相十分吸引，颜色缤纷打卡一流，三文鱼、油甘鱼系厚切，好肥美同新鲜，带子十分鲜甜，玉子好清甜，虾十分爽口同大只，蟹柳无雪味，饭都算多，不过唔系食左好多，因为食完d刺身已经饱左一半，烟肉蚝卷 $53：烟肉烧得少少干身，食落有d脆口，只蚝系少少半生熟，食得出好新鲜，青瓜后面原来有个薯仔沙津，个薯仔沙津超级好食，最后原来系有送，staff见我差唔多食完，过黎讲帮你上嘛个甜品，服务算几好，甜品系三色糕，糕面上有小小芒果汁，整个唔算好甜，我中意食，我觉得整体黎讲食物质素都好好，咁多年再食都保持一贯水准，真心唔错！