康橋廳

营业中

休息中

同同事星期六打完波就嚟到附近康桥厅饮茶。康桥厅饮菜都几出名下，之前都有几次打完波嚟嚟饮过茶。今次4个人嚟饮嗌咗7样嘢食到，有饭,上汤菜,虾饺,烧卖,凤爪,牛肉球,叉烧酥,肠粉。烧卖同出边嘅茶楼比真系好食好多，个样望落都精致啲，用料丰富，而且唔会太干。虾饺都系保持到水准，凤爪就普普通通冇咩特别，个人最钟意系叉烧酥，一上个阵仲好热酥皮咬落好松化，摆咗阵食都仲系热，个酥皮松化度都系一样，真系即叫即整。牛肉球我食就冇咩特别，但有同事唔钟意食芫荽，佢就话个芫荽味唔重食落都唔错，所以如果唔钟意芫荽味但想食牛肉球嘅人都可以嗌嚟食。整体环境都坐舒服，食物水准保持得唔错，但唔知系咪太少侍应，好多时想揾人帮手都冇人，连埋单举咗好耐手都冇人理。