裕鵝莊 (已結業)

冇谂过深井烧鹅喺尖沙咀开分店都一样保持到质素。餐厅装修环境优美，门面好光猛，喺亚士厘道都好容易揾到。佢啲小菜嘅质素都OK嘅，就好似呢个小炒王咁样，啲腰果好脆口，鱿鱼韭菜𠮶啲都好味。另外叫咗蜜桃冰茶同埋菠萝冰茶，呢两杯嘢饮都几好饮，系一杯几有特色嘅饮品。我唔系好识得欣赏呢个黑醋鹅肝，因为个鹅肝好粉，唔同平时喺潮州打冷舖食𠮶啲咁香。重点系个烧鹅，个皮真系好好食，劲脆口，啲肉又10分嫩口，同一般酒楼嘅烧鹅简直系差天共地。临走之前嗌左红豆沙同埋鲜奶桃胶，糖水都大大碗嘅，唔系话好好食，但系好过冇糖水食啦。之后连续两日都忍唔住喺𠮶度嗌咗烧鹅，最嬲尾背脊爆咗粒疮，奉劝大家唔好食太多烧鹅，因为真系好毒，可以试吓呢度嘅其他小菜。