定食 Doraya (駱克道)

营业中

休息中

已经有一段时间冇黎食，以前食过鲭鱼饭真系好正，记得对上一次黎已经系几个月之前，上次个海胆好甜好好味。今日第一次黎食lunch，价钱都算合理，最贵都只系$130一个set，选择都算多，而且都会跟一个乌冬。可能因为目前疫情问题，人流冇以前咁多，唔需要等位，但有个非常唔好既问题就系客与客之间都系贴住坐。本身入面位置都系比较逼，但宜家疫情问题严重，餐厅系咪应该谂下办法比每个客人坐疏少少呢? 系咪可以唔好一次比客人同一个时间入晒?就算要比客人等，我相信大家都宁愿食得安心。以我今日黎食为例，同朋友2个人搭一张6人枱，大家同左右2边既人都系会顶住，想伸手拎野都怕唔好意思。希望餐厅可以系呢段时间作出少少改变，比大家可以食得安心。食物方面，份量都算大，一向都中意呢间既饭，煮得好好，而且温度都岩岩好，唯独系海胆唔新鲜，完全唔甜。小食系茶碗蒸同粉丝，乌冬够弹牙，但汤底亦都略咸。Overall黎讲食物有小小退步左，而环境方面都希望可以改善下。