喜來稀肉 (已結業)

喜来稀肉一向都有水准！以前成日都要去韩国街等好耐先有得食，但原来而家响亚士厘道已经有分店， 闲日人流不算多， 好快就可以坐下。 我哋两个人食，两个都比较喜欢食牛，见到呢个一头牛好似几特别，唔同部位都有，贪心嘅我哋就选择左呢一份韩牛拼盘一头牛。分量十分之多，有喜来烤肉，牛五花肉，顶级牛颈，牛肋骨肉同埋调味牛排骨，两个人有少少担心吃不消。牛肉十分新鲜而且脂肪分布均匀！好似朵花咁卷着嘅系招牌喜来烤肉，没有特别腌制，十分之新鲜！但个人最喜欢会系调味牛排骨同埋牛肋骨肉，充满牛肉香，又香又淋！腌得好入味！牛五花肉脂肪分布均匀，入口很多肉汁！ 值得一快提系呢度送嘅泡菜十分不错！不太咸，超级爽又多汁！能充分减低烧肉嘅油腻感！怕食得太多肉，另外叫咗一个豆腐泡菜海鲜汤，材料十分丰富！豆腐好滑，汤入面有鱿鱼，砚，金菇等配菜！令人越食越开胃！旁边嘅蛋系可以免费添加！有泡菜蛋同埋芝士蛋！中间烧紧嘅系猪护心肉，护心肉系猪横膈膜同埋猪肝中间嘅肉，好弹牙但不韧！呢度食物水准有保证！又不用排咁耐等位！以后可以转战呢一间了！