泰好味

营业中

休息中

约左几个朋友出食聚聚，就简左好左好多年既泰好味，今次四个男人食，饮埋啤酒，埋单一个人都系百几蚊，认真抵食！泰式生虾，虾有6只，size 就唔算系好大果款，中等水平，虾肉就爽弹，唔会有腥味，加埋个泰式辣汁，真系唔够喉，如果个辣汁再辣多少少就仲正！泰式凤爪沙律，呢个系必点既，份量多，味道好，酸酸辣辣咁，好开胃，花生同腰果都系新鲜炸起，好脆口！冇骨凤爪配埋酸辣汁同西芹食，好清新泰式椰菜苗，用辣椒，蒜头， 面豉去炒椰菜苗，味道几好，椰菜苗系岩岩熟，咬落去仲有少少爽口黄咖哩鸡，次次都会叫呢个𩠌，鸡就好普通，系用雪藏鸡扒去整，亦唔入味，叫呢个𩠌系要佢既咖哩汁配蒜蓉法包食，好食到我地叫左两客法包蒜蓉法包食，好新鲜，到台果阵仲系热辣辣，好香牛油同蒜茸味，法包又焗得好脆口，配埋咖哩汁食真系一绝泰式金边粉，呢个粉就正正常常，食得出有蕃茄酱味，虾有3-4只，食落都爽弹烧司华力肠，鸡全翼，整黎黎讲都烧得几好，食物外皮有少少焦香，鸡翼肉质都算嫩滑，加埋个自制沙嗲酱，不错！