蓮園粥麵小廚甜品 (已結業)

虽然已经搬离开咗跑马地10几年，中学时期喺度渡过。十几年前亦曾经喺跑马地住过三年。对于呢度嘅舖头。始终有一定嘅情意结。莲园亦系我其中一间转成入跑马地食嘅舖头之一。虽然霞姐直述式嘅答案或者个人风格令到好多人都却步，讲真我细𠮶时都怕佢，但我就系由细食到大，所以知道佢嘅性格人夹人缘。总之你快脆叫嘢食唔好扭扭拧拧，其实佢啲嘢真系好味。佢嘅价钱比隔离两条街𠮶间贴地。今日趁阿仔考完试就嚟个快闪跑马地美食之旅。炸两真系要必食。水准仍然保持得好好。真系超好味。猪膶粥。牛筋腩。咸肉糭。。仲有西米布甸，呢个甜品系驱使我成日专登揸车入去买外卖。有啲舖头做得耐咗或者出名咗做咗游客生意 ，水准会唔每每下降。例子比比皆是。。呢间舖头大大话话应该有40年？难得佢保持水准。应该要多多支持。如果大家怕老板娘可爱嘅坦率性格，建议大家可以买外卖。不过我唔怕我继续会坐低喺度食。