榕榕酒家 (已結業)

呢日同屋企人&女朋友(6大1细)一齐去咗榕榕食饭,因为上咗大陆做咗四个月野,所以呢晚系同老豆补祝生日,我地叫咗糯米蟹,烧鹅半只,沙锅云吞鸡,鱼汤海味什菜煲,姜葱桶蚝,班腩两食(蒜茸蒸&西芹炒),仲有乳猪拼海蜇...糯米蟹同之前食过一样,劲多蟹膏,糯米饭吸收咗蟹嘅鲜味同蒜茸嘅香味好好食,不过今次嘅糯米饭就腍咗少少...烧鹅皮脆肉香,又唔会太肥,正...沙锅云吞鸡,呢个做特价$28,不过不失...鱼汤海味什菜煲系我每次都会叫嘅,因为好够味,呢次亦可以保持水准...姜葱桶蚝呢个系一个惊喜,d蚝劲大只,又新鲜,好食...班腩两食(蒜茸蒸),其实几好食,不过如果食埋d蒜茸粉丝就有少少咸...班腩两食(西芹炒),呢碟就无咩特别...乳猪拼海蜇,乳猪皮好脆,食落口香得来又唔会成口油...基本上成晚嘅食物都好ok,埋单$995亦唔系贵!!