榕榕酒家 (已結業)

邊個話熱辣辣唔可以打邊爐嫁~~~係朋友度知道荃灣有間唔錯的酒家有任食火鍋,適逢今日係夏至, 放工後一於去試新嘢.星期四晚上將近七點去到門口, 就算係酒家門口都唔見有火鍋嘅招紙, 莫非夏天真係無邊爐打?入咗大門要上一層, 係樓梯位終於見到有關火鍋嘅海報, 星期一至四 $108 (加一), 星期五, 六, 日及假期, 另加 $5.上到一樓, 只見兩枱人客 (小菜及火鍋各一枱), 被安排坐去後少少的火鍋區.看看點餸紙, 要了胡椒豬肚湯底, 再先來一瓶竹蔗水, 說時遲那時快, 餸都未點完已經上好湯底及竹蔗水, 好快手喎.朋友介紹要試瀨尿蝦, 話好新鮮, 另外叫咗都唔少嘢, 當然有打邊爐唔可以少嘅肥牛同丸啦, 有自制四寶丸, 潮式魚蛋, 魚滑, 仲有蠔, 蝦, 脆肉鯇骨腩, 黑豚肉, 炸魚皮, 菜, 粟米, 雖然已經叫咗椒豬肚湯, 但再追加豬肚同粉腸, 另外仲有其他地方比較少有嘅生腸同魚卜普通嘢唔多講, 講吓啲比較少有同特別嘅瀨尿蝦, 好介紹, 真係新鮮都爆, 上枱仲識郁, 起勢爬呀, 彈呀, 倒佢哋落個鍋到都要兩三秒先識死, 而且肉質爽口, 有鮮甜嘅味道, 唯一可惜係比較細隻 (食懵你呀! 百

又是隨意覓食的一晚, 晚飯時間詢問問即時有位便二話不說進場!! 很隨便便從幾個餐牌中點了幾道家常便菜!不期望之下上來第一道菜, 放入口的第一感覺非常驚喜, 皆因非常熱, 脆, 薄炸粉, 美味肉質!! 絕對不錯的水準!份量十足, 菜不會過腍感太硬, 沒有菜會出現的腥味, 皮蛋及鹹蛋都很多, 讚!超級脆皮, 件件有肉, 師傅切的很好, 沒有馬虎, 每件肉多於骨, 我們很滿意!!! 味道好, 全數入了味, 不錯!芝士汁很濃, 但不算香, 天使麵在底部份量剛好, 最出色的是蝦, 每一隻蝦都是脹卜卜的, 啖啖肉, 每一隻都很有鮮味, 肉質絕不霉爛, 另一個讚!職員有禮有反應, 下次可要一試火鍋呢...!

今晚同百厭仔去完珀麗灣玩, 喺荃灣落船,返正好耐無去榕榕打邊爐喇, 咁就專登行去幫襯. 一行三大一B, 去到20:45, 一樓無位, 侍應問上二樓好唔好, OK啦, 心諗返正次次都坐一樓, 廁所仲喺二樓添, 去廁所就唔使行上行落啦.任飲 (竹蔗水/五花茶) 任食 ( 不限時間) $98.00包湯底, 茶芥, 另收加一服務費叫咗竹蔗茅根湯底, 清清地, 唔錯!肥牛--OK喎, 竟然唔靭雞肉片--OK手打墨魚丸 / 手打豬肉丸,牛丸--夠鮮味, 正!手打蝦滑 (呢個之前食無架)--好味!生魚片/脆鯇片--幾新鮮生蝦--上枱仲識郁, 好鮮味瀨尿蝦仔--非常新鮮, 仲會逃走, (無影相添)金錢牛展--OK大魚卜--幾新鮮生蠔--新鮮唔錯炸支竹--吸收咗啲海鮮湯, 好味!因為淥完瀨尿蝦仔, 生蝦, 生蠔等海鮮嘅湯真係好鮮味, 臨尾雖然幾飽, 都忍唔住食咗啲海鮮湯鳥冬麵, 超正!但今次坐二樓啲服務真係差咗好多, 啲蝦殼載滿成隻碟都無人換, 呢個都算. 無論叫阿姐比返個煲蓋我哋又好, 攞點食物紙又好, 都只係應"得得得", 得完就無咗回事, 要叫幾次先攞到. 大家以為啲阿姐忙於招呼其他客, 錯

呢日同屋企人&女朋友(6大1細)一齊去咗榕榕食飯,因為上咗大陸做咗四個月野,所以呢晚係同老豆補祝生日,我地叫咗糯米蟹,燒鵝半隻,沙鍋雲吞雞,魚湯海味什菜煲,薑蔥桶蠔,班腩兩食(蒜茸蒸&西芹炒),仲有乳豬拼海蜇...糯米蟹同之前食過一樣,勁多蟹膏,糯米飯吸收咗蟹嘅鮮味同蒜茸嘅香味好好食,不過今次嘅糯米飯就腍咗少少...燒鵝皮脆肉香,又唔會太肥,正...沙鍋雲吞雞,呢個做特價$28,不過不失...魚湯海味什菜煲係我每次都會叫嘅,因為好夠味,呢次亦可以保持水準...薑蔥桶蠔呢個係一個驚喜,d蠔勁大隻,又新鮮,好食...班腩兩食(蒜茸蒸),其實幾好食,不過如果食埋d蒜茸粉絲就有少少咸...班腩兩食(西芹炒),呢碟就無咩特別...乳豬拼海蜇,乳豬皮好脆,食落口香得來又唔會成口油...基本上成晚嘅食物都好ok,埋單$995亦唔係貴!!

星期五晚到這裡打邊爐，由於不熟悉這區，兜了好幾個圈才找到了海壩街，到達的時候已經快八時了。幸而人潮仍未到，二人枱還有好幾個選擇。這裡跟一般火鍋放題不同，這裡沒有自助飲料和醬油。飲料要托侍應拿，可樂、竹蔗茅根和夏枯草不另收費。豉油早已預備好放在枱面，如要蒜茸等配料好像要加錢的。基本收費為$98加一。食物，長話短說就好了。這裡的配料大部分都是高質素的，極力推介他們的手打系列（蝦滑、墨魚丸），肉質結實而彈牙，蝦滑更是尤其新鮮，味道猶如鮮蝦餃。自家製菜肉餃是本店的誠意之作，飽滿的餃子裡是鮮豬肉，肉比菜多，口感挺豐富。而蟹籽丸出乎意料之外的好吃！蟹籽十分鮮甜，丸的外身則頗彈牙。另外，竹簽蝦是游水蝦，上桌時仍是活生生的，十分鮮味。火鍋的熱門菜式肥牛則稍遜；肥牛有點過份地肥美，每片肥牛約有７成是脂肪。如對肥牛有要求，可加錢轉美國肥牛，不過我們沒這樣做，所以不知美國肥牛的質素怎樣。另外，某些丸類也是一般般，如芝士丸的芝士味道有點奇怪，而八爪魚丸更是很＂粉＂且不新鮮。這店最值得一讚的是員工的服務態度。上菜效率很高，也完全沒有漏單情況。員工做到一腳踢，還是會把笑容掛在臉上。他們還會主動清理枱面的吉碟和吉汽

This was the first place I ate in in Hong Kong, and I have taken my mates here a few times.Once the English barrier was tamed, I found staff friendly and quite willing to help with the food choice,My friends have had a few of the more taraditional Chinese meat dishes, where I have stuck with there good variety of vegatables.When you get there, the peanuts on the table are a nice start, and the beer, at less that $15 a big bottle of carlsberg is an absolute dream.At nights there is usually a girl

舊式茶樓, 樓下外賣, 樓上雅座, 可以搭枱。 座上客以四五＋歲以上男人居多, 偶偶会有老年夫婦撐枱腳, 執子之手與子皆老早市大、中、小點 $8.80起但係早市優惠時段是由9am至12pm $6.80起還有9am開始, 每位可優惠價$3.80叫一籠有3粒的翡翠蝦餃皇翡翠蝦餃皇, 內有翠玉瓜配爽脆蝦仁, 幾清新的感覺魚肚滑雞扎 $16.80(頂點) 係真魚肚唔係豬皮, 爽口而且有魚味。煎蛋牛肉飯 $12.80 (大點) 最初心駡有無攪錯, 撈起原來肉飯比例都豐富, 縱使牛肉漿都係「嗱」肉, 不過頗有風味。安蝦鹹水角 $8.80 (小點) 古早style, 外皮甜又脆, 厚皮包着肉燥。义燒餐包 $10.80 (中點) 重量型餐包, 甜甜蜜 蜜, 蜜食都無痴牙。蜜味义燒腸 $12.80 (大點) 米漿比例比澄麵高, 而且好正宗咁無落芫荽, 全條腸粉都滿佈义燒, 不会像有些厨房只会把饀放在頭、胸、腹。蠔皇鮮竹卷 $8.80 (9am後的特價) 腐竹豆味香濃, 肉饀煙煙韌韌, 打到起根。雞絲蒸粉卷 $9.80 (9am後的特價) 粉卷 皮與腸粉皮一樣如

朋友外國學成歸來~同佢搞場"洗塵"宴~本身去第2間~點知個呀姐話唔知幾時開始打邊爐~所以係街遊魂之下發現左榕榕都係任食~$65+$20醬料+13條友就衝上去~上到去好多人~食飯又有~打邊又有~等緊既都有十幾個~好旺場~好在中間有好多走左人~所以等左都唔算耐~入座~知客姐姐已經丟左一疊點野紙出黎~心諗呢次仲唔食窮你~嘿嘿嘿~先講食物~印象最深3樣~鮮雞片~有d黑椒~幾鮮味~手打墨魚丸~雖然好細粒~但係幾好味~菜肉餃~總之好食~ps:菜叫左幾種~白菜西洋菜~又幾新鮮~其他地方未必有最唔掂:蠔~超級腥綾魚滑~怪怪的~冇咩味~呢道D WAITER態度就麻麻~不過幾主動幫你收野加水~開始果陣叫左野飲好耐都冇到~同個呀姐講~佢只講"得得得"~呢個回應的確幾驚~心諗咁答得都唔方會有~點知唔洗一分鐘D野飲到齊個呀姐好似好醒咁仲笑笑口XD食到尾~有個比較後生既哥哥仔主動黎收晒D野~見我地D野飲就快/已經飲晒~主動幫我地裝同問仲要唔要~抵讚~順帶一提呢道叫可樂係比一支1.25L可樂~而唔係溝水可樂仲叫我地慢慢坐~透下先~唔洗急~不過人地做生意~廢事坐咁耐了~見佢地差唔多10點都仲有唔少人入場食飯抵讚既一間

今日一家三口去開荃灣, 就去榕榕打埋邊爐先番歸, 都有成大半年無黎喇, 門面同大廳裝修過靚左 (但唔知點解個廁所仲係唔得囉)任飲 (竹蔗水/五花茶) 任食 ( 不限時間)叫左竹蔗茅根湯底, 清清地, 唔錯!肥牛--OK喎, 佢鉋得夠薄, 所以唔靭雞肉片--OK手打墨魚丸 / 手打豬肉丸--細粒左D, 但夠鮮味, 正!生魚片 / 蟮片--幾新鮮生蝦-- 好鮮味瀨尿蝦仔--非常新鮮, 仲會逃走 (呢樣唔係周圍任食火鍋都有)大魚卜--幾新鮮生蠔--新鮮唔錯仲有其他菜/支竹/蘿蔔....都OK竹蔗水唔太甜, 百厭仔仲飲左好多添最後叫多個烏冬比百厭仔, 因為佢掛住玩無咩點食野個肚非常滿足D職員都幾好, 好主動加水同收碟, 見D蝦穀太多, 仲換左幾次碟添連個啤妹都好好, 問我地要唔要啤酒, 我地話唔使 (老公仲要揸車返歸架) 佢見我地JAR竹蔗水飲完, 主動攞過JAR比我地, 仲要幫我地倒埋, 我地無幫襯佢喎, 所以抵讃!

琴晚同左d fan同女友去左呢間店打邊爐,坐得唔太舒服,因好迫,而且冷氣機風口位會不斷滴水,環境都算污糟.d野食係上得好快,但d小二勁忙,成個埸得個兩個人o係度,見佢地咁忙,都唔好意思搵佢地,老實講d肥牛好有問題,d色好似放左好耐,而且唔新鮮,好爛,其他丸都還可以,但少左肥牛真係唔得,呢間一人都係$65,係任食任飲,但我會比貴少少去食第二間.

大班人gathering黎左呢間打邊爐任飲任食叫左好多好多野...不過啲食物既質素就麻麻地有幾樣更加係唔新鮮, 好似啲瀨尿蝦啲肉"梅"到我以為係膏黎豬皮味道有啲臭...肥牛又極之肥而且肉鞋...丸類又係麻麻地...有料嗰隻豬肉丸裏面極多油芝心丸唔錯, 但蟹子丸冇乜蟹子味, 牛丸極大陣黑椒味, 其他丸都麻麻地比較好食既有魚皮同埋嗰個黑椒味既豚肉菜類都係一般...但野飲任飲都OK既...雖然佢個竹庶矛根定係菊花茶好似冇咩味不過...我寧可比貴少少價錢食好啲喇~

昨日跟朋友試下任飲任食火煱.門面跟內部比較舊.但坐位尚算寬鬆,没有旺角那些火煱店擠逼.魚滑 完全唔掂,唔知係乜野做,難食,試完一塊後其他没有食.猪粉腸 通到內面乾乾靜靜,唔好食.同樣試完一塊後其他没有食.滑牛肉 唔新鲜,色澤很暗.唔好食.同樣試完一塊後其他没有食.胡椒豬肚煱底,都唔錯.腐竹 唔錯,有鮮豆味很滑.海虾 唔錯,好新鲜很有虾味.其它幾好食.蔗水、酸梅湯及汽水任飲.啤酒要另計.蒜茸,椒絲等配料要另計.還會再來幫襯.

日期：2009-10-17 今晚在"榕榕酒家"(荃灣)買了一隻"紅燒乳鴿"($38)。紅燒乳鴿---乳鴿是下單即炸的，外皮香脆帶微甜，鴿油香十足。鴿肉份量算多，肉質嫩腍，滷得入味，鹹味適中。

多年前曾與家人在此晚飯,食物水準差得令人咋舌,以燒鵝行頭的酒家,連招牌也做得一團糟.當時沒有影相和寫食評,所以沒有詳細紀錄.事隔多年,媽子死不信邪,拉著我這個兒子,再來到榕榕,今次是飲早茶.當同一日早上,相隔不遠的稻香,海港,甚至客家好盞,連搭檯都要等位.榕榕仍有大把位.擺明有"景轟".你又會話,晚市水準差,早市一定不會好得去那裏.這個早上吃了七味點心,感覺比上一次來吃晚飯好.起碼吃不到凍冰冰,肉質粗到咬崩牙的燒鵝,今次主角變成蝦餃,蝦米腸,叉燒飽等點心.蝦餃皮厚薄適中,蝦肉多,未算特別新鮮,沒有霉味同散收收口感已經收貨.蝦米腸煎得算香脆,蘿蔔糕粉多過蘿蔔,煎得未夠香口,混合大量甜醬吃還可.小時候上酒家,很愛吃鮮蝦銀針粉,以前是一整碟用透明碗蓋住上,現今難找此風味了.此店的銀針粉,炒得都幾求其.材料不多,銀針粉亦不夠入味.叉燒飽身香甜,內裏的叉燒則麻麻.百花釀魚肚,面頭的蝦膠淋劈劈,同下面的魚肚,產生不到"化學作用".兩者各自為政.懷舊點心鵪春蛋燒賣,一樣可在此吃到,但面頭的鵪春蛋,很瘦小,蛋黃味道不夠甘香.走之前,媽子還問我要不要打包隻燒鵝比家弟,我說:{唔好囉呢D野黎玩!

今日放工去左榕榕酒家 打邊爐任飲任食, 包湯底, 埋單都係每人$98.00, 已食到捧住個肚, 超滿足!叫左蝦, 尿蝦仔, 手打墨丸, 肉丸, 生魚片, 蟮片, 生蠔, 鮮牛, 花枝片........, D生料好新鮮, D蝦仲會跳飲品叫左竹蔗水, 仲有五花茶/酸梅湯揀添正! 攬住個肚落樓