Cova Pasticceria & Confetteria (已搬遷) 新店位置

保持高水准因为公司楼下有COVA的关系，每逢有同事生日，为求方便又得体，都会买COVE 既signature cake: Mango Cream Dome。虽然系好食好味，不过都会食厌既，所以已经徇众要求停食COVA一年 所以，无食一年COVA既我，当烦恼紧买咩生日蛋糕同朋友庆生，又经过沙田COVA，又睇到有新口味既Dome cake，就果断重投COVA怀抱！DOME cake 有两种新口味，分别系士多啤梨味及红桑莓味，而我就拣左较少甜既红桑莓味既Dome Ai Lamponi，同埋更可免费加生日牌~Dome Ai Lamponi 由三层雪芳海绵蛋糕、 鲜忌廉和新鲜桑莓组成，蛋糕因为有新鲜桑莓的关系，带少少酸，又唔会太甜，酸甜相宜，好好味! 而蛋糕中间有桑莓肉粒，有咬口，海绵蛋糕非常松软，鲜忌廉又香又滑，口感丰富有层次!而朋友们都盛赞蛋糕又靓又好味，正！