影片
更多
2010-10-08
101 浏览
家中各人都系猪腰猪润 fans，听朋友讲湾仔开左间专食猪内脏既茶餐厅；见妈咪平时喺厨房清洁 d 内脏咁辛苦，上个月就屈左老豆请我地黎试下。 地方好光猛，唔算污糟，但又唔可以话好干净，中规中矩啦。格局同一般茶餐厅无异，分卡位同散枱，餐具收埋喺枱下面个柜桶，方便兼悭位。当问及推广紧既晚市＂黄星星私房餐＂时，哥哥仔话餐厅后半可以摆张十几人用既大枱开私人party，老豆已经约好左佢班老友下个月一齐去试添。唔知系咪落大雨既关系，店内既顾客只有我地三个人。哥哥仔都算有耐性，完全冇催促我地叫𩠌。哗，出食物既速度快过打针，张枱好快就满哂，哥哥仔重好有心机地帮我地排得整整齐齐（见图），咁好既服务态度真系令小弟有少少吃惊。 水晶鸡：$38碟；正确名称唔系好记得，不过简单黎讲系口水鸡走辣。我地好惊讶，因为做得好食过好多酒楼。少肥之外，连鸡胸肉都唔干唔嚡重好嫩滑，真系有d功夫仔。个豉油教到甜咸适中，少辣，正。惊讶推介一。 杏汁猪肺汤：$38碗；个人第一个反应系茶餐厅既汤洗唔洗咁贵呀？不过食评们大力推荐，唔试好似唔系好比面，所以都叫左碗三个人分 。冇错个汤系好滑好甜，不过就好似唔系好够猪肺味。要赞既系猪肺洗得非
地方好光猛，唔算污糟，但又唔可以话好干净，中规中矩啦。格局同一般茶餐厅无异，分卡位同散枱，餐具收埋喺枱下面个柜桶，方便兼悭位。当问及推广紧既晚市＂黄星星私房餐＂时，哥哥仔话餐厅后半可以摆张十几人用既大枱开私人party，老豆已经约好左佢班老友下个月一齐去试添。
唔知系咪落大雨既关系，店内既顾客只有我地三个人。哥哥仔都算有耐性，完全冇催促我地叫𩠌。哗，出食物既速度快过打针，张枱好快就满哂，哥哥仔重好有心机地帮我地排得整整齐齐（见图），咁好既服务态度真系令小弟有少少吃惊。
水晶鸡：$38碟；正确名称唔系好记得，不过简单黎讲系口水鸡走辣。我地好惊讶，因为做得好食过好多酒楼。少肥之外，连鸡胸肉都唔干唔嚡重好嫩滑，真系有d功夫仔。个豉油教到甜咸适中，少辣，正。惊讶推介一。
杏汁猪肺汤：$38碗；个人第一个反应系茶餐厅既汤洗唔洗咁贵呀？不过食评们大力推荐，唔试好似唔系好比面，所以都叫左碗三个人分 。冇错个汤系好滑好甜，不过就好似唔系好够猪肺味。要赞既系猪肺洗得非常干净，口感系从未食过咁软绵绵，又一惊喜！用杏汁既技巧亦确实胜过陆羽，因为陆羽既汤中重有杏粉，好多时会黐住个口同埋个喉咙，而信得过既就系完全冇渣，所以先可以做到咁滑。咁多功夫同咁足料，$38碗都应该既，惊喜推介二。
白汋正宗黄沙乳猪润：$55碟；好多猪润唔好食既原因系因为太薄，过熟，同太粉。信得过既猪润既厚度刚刚好，只系有少少过熟，同好轻微既粉。其实已经做到非常好，不过因为自己食过更好既，所以挑剔左，比较起上黎硬系重差少少。
白汋猪仔蝴蝶腩：$55碟；牛腩就食得多，小弟都系第一次食猪仔蝴蝶腩，觉得好硬好靱，完全唔掂挡。比较之下，都系食返牛腩好d。＂信得过＂顿时变左＂信九成＂。
白汋猪腰：$60碟；虽然爽口，但系奇押无比，妈妈话此乃啤水唔够之过，整猪腰既大忌，更是机本功，所以大家都觉得系超级失败之材，＂信九成＂即降级做＂信七成＂。
白汋爽滑靓粉肠：$55碟；粉肠层数卷得唔够多，所以好单薄，口感唔得爽，比妈妈做𠮶d差好远，而且味道有少少押，＂信七成＂最终跌成＂信六成＂。
元贝云吞米粉：$38碗；爸爸话未食过元贝云吞依个组合，所以一定要叫黎试。唔讲真系好难食出元贝/瑶柱既味道，只系觉得云吞同汤底都好鲜甜；米粉腍中带少少弹牙，几唔错既。
喺茶餐厅食个午餐埋单要过三百，好似贵左唔只少少bor。
后记：
1) 虽然大家都话信得过冇味精，不过我同妈妈都食到口干脸红（我地二人对味精之反应），要叫两支$8既樽装汔水黎解解。有人话可能我地对佢地只豉油敏感bor。
2) 揸车既朋友会好开心，谢斐道好多停车场，包保有位；最正既系＂信得过＂既斜对面重有个代客泊车既停车场，$25/hr。
张贴
