616牛肉火鍋專門店 (明德商場)

营业中

休息中

住将军澳同事话坑口都开左616牛肉火锅专门店，我即刻约埋家人，收工会合一齐去食番餐啰。餐厅环境唔错啊，即时点左日本直送，长野县嘅信州特选和牛盛品尝下先。火锅🍲汤底点左牛骨清汤，有好多萝卜同埋好大旧牛骨在汤内，饮落清清地几鲜甜。信州特选和牛盛品拼盘有，一次过可食到和牛三大部位，牛肩胛、牛腹肉同牛赤身，牛好靓㖞，颜色鲜明，油花平均分布，切得厚薄适中，只需轻轻滚下便食得，肉质软淋，牛香味十足，只需要$234，仲会额外送多碟五花趾，超值好味😋！家人则点左打边炉会食的鸭血同稻庭乌冬，好味又饱肚。菜点左皇帝菜同水莲菜，水莲菜唔系度度有，见到都即叫左佢黎食，劲长很新鲜翠绿。叫左花雕醉鸡卷小食，送下啤酒🍻巧爽呀。