鹿鳴春飯店 (已結業)

一行五人到达位于阁楼嘅鹿鸣春，已经一点几但系餐厅内仲系人山人海。侍应话点心十二点左右经已售罄，连最后一只驰名烧鸡都比人捷足先登，唉。。。好失望，好彩部长醒目，见倒我哋个样好沮丧，即刻过嚟告知点心虽然唔再推出嚟卖但系可以即叫即做。 素鹅 (Grade: 3/5)富层次感嘅腐皮，包住红萝卜条、冬菇等嘅馅料，非常美味，如果可以加多D冬菇仲会更好。 蚂蚁上树 (Grade: 4.5/5)滑蛋炒得恰度好处，香气四溢嘅生抽味，好香口，再配合木耳、肉丝、小白菜等材料，将一道本来好普通嘅菜式，变得好吸引。 酱爆鸡丁 (Grade: 4/5)呢道酱爆鸡丁，跟其他川菜馆嘅唔同，味道虽然浓但系唔会一味靠辣，加上走过油所以特别香脆，正！ 三丝煨面 (Grade: 3.5/5)三丝系鸡丝、海参丝同火腿丝，面条口感都几弹牙，有D似幼细版嘅乌冬。 小笼包 (Grade: 2.5/5)小笼包嘅皮唔够薄，汤唔够浓又唔够多，比起正宗上海舖如金满庭嘅始终有D距离。差不多一年多未有嚟帮衬，想唔到依然无令大家失望。水准得以保持，相信系一班老主雇通力合作，难怪餐厅多年来经得起考验，仍然系城中少见纥立不倒嘅老店。